Թեև Հայաստանը համարվում է անվտանգ երկիր և անգամ, ըստ Numbeo-ի, երկրների անվտանգության ինդեքսի՝ Հայաստանն աշխարհի ամենաանվտանգ երկրների շարքում 7-րդն է, սակայն, կրիմինալը Հայաստանից ոչ մի տեղ չի գնացել, հակառակը՝ այժմ «կրիմինալի բում է» Հայաստանում։
Անչափահասներին առևանգում են խոշոր գումար շորթելու նպատակով, աղջիկներին շարունակում են «փախցնել» անգամ 21-րդ դարում, և այս ամենը տեղի է ունենում ամենաանվտանգ երկրներից յոթերորդում։
MediaHub-ը հարցում էր ուղարկել ՆԳՆ: Նախ, հետաքրքրվել էինք, թե 2020 թվականի հունվարից սկսած մինչ 2024թ․ օգոստոս ընկած ժամանակահատվածում քանի՞ անչափահաս երեխայի առևանգման դեպք է գրանցվել Հայաստանում:
«2020թ․–ի հունվարից սկսած մինչ 2024թ․ օգոստոս ընկած ժամանակահատվածում առևանգման դեպք անչափահասների նկատմամբ կատարվել է 25: 4 առևանգման դեպք կատարվել է շահադիտական դրդումներով»,- հայտնել է իրավապահ կառույցը։
Իսկ թե անչափահասներին ապօրինի ազատությունից զրկելու քանի՞ դեպք է արձանագրվել Հայաստանում հիշյալ ժամանակահատվածում խոշոր գումար շորթելու նպատակով, ՆԳՆ–ից մեզ պատասխանեցին. «2020թ․–ի հունվարից սկսած մինչ 2024թ․ օգոստոս ընկած ժամանակահատվածում անչափահասներին ապօրինի ազատությունից զրկելու դեպք կատարվել է 5: Ապօրինի ազատությունից զրկելու դեպք շահադիտական դրդումներով կատարվել է 2»։
Իսկ ինչ վերաբերում է ամուսնության նպատակով «աղջիկ փախցնելուն», ապա տվյալներ չեն փոխանցվել MediaHub-ին։ «Ամուսնության նպատակով կատարված առևանգումների վերաբերյալ տվյալներ հնարավոր չէ տրամադրել նման հաշվառումներ չլինելու պատճառով»,- պատասխանել է ՆԳՆ-ն։
Բաց մի թողեք
Էջմիածնի նախկին քաղաքապետը հարցաքննվել է. Գասպարյանի ընտանիքի շուրջ գործընթացներ կսկսվեն
Սպառողական զամբյուղի մթերքներն ամռան շեմին կրկին թանկացել են
Ձեր ընկալմամբ բռնության դրսեւորումները համարվում են «բնականոն աշխատանք». Լեւոն Քոչարյանի օգնականը բացատրություն է ներկայացրել