Մահացել է ամերիկացի լեգենդար երաժիշտ, պրոդյուսեր Քուինսի Ջոնսը, ում անունը անխզելիորեն կապված է երաժշտական ինդուստրիայի այնպիսի դեմքերի հետ, ինչպիսիք են՝ Ֆրենկ Սինատրան եւ Մայքլ Ջեքսոնը։ Նա 92 տարեկան էր։
Այս մասին հայտնում է https://JazzBlues.eu -ը։ Հրապարակախոս Արնոլդ Ռոբինսոնի խոսքերով՝ Քունսի Ջոնսը համացել է իր տանը՝ նոյեմբերի 3-ին, Լոս-Անջելեսում, ընտանիքի անդամներով ու հարազատներով շրջապատված։
Ջոնսի կարիերան սկսվել է հայրենի Չիկագոյում, որտեղ արդեն տասը տարեկան հասակում նա հանդես է եկել ջազային ակումբներում։ Սովորել է Բոստոնի հեղինակավոր երաժշտական դպրոցում, համերգային շրջագայություն է կատարել Լայոնել Հեմփթոնի հետ։ 1950-ականներին պայմանագիր է կնքել ABC Records-ի հետ, որով էլ նրա առաջ բացվել են երաժշտական աշխարհի դռները։
Ստեղծել է նախ իր խումբը, հետո արդեն Jones boys բիգ-բենդն ու սկսել նվաճել երաժշտական Օլիմպոսը։ Ընդհանուր առմամբ արժանացել է 27 «Գրեմմիի», նաեւ՝ Grammy Legend Award-ի։ Նրա երաժշտությունը հնչել է ավելի քան հիսուն կինոֆիլմերում, այդ թվում նաեւ՝ «Օսթին Պաուերս», «Մաքքինլիի ոսկիները», «Նոր Ցենտուրիոնները», «Սպանել Բիլլիին»։
Բաց մի թողեք
Երբ տան պատերը դառնում են լռության վկաներ․ Ֆեդերիկո Գարսիա Լորկայի «Բեռնարդա Ալբայի տունը»՝ Սունդուկյանի թատրոնի բեմում. Լուսանկարներ
Օսիպ Մանդելշտամ՝ «Ճամփորդություն դեպի Հայաստան»
Հունաստանում ՀՀ դեսպան Տիգրան Մկրտչյանը մասնակցել է «Floral Meteorites from Armenia» ցուցահանդեսի բացմանը. Լուսանկարներ