«Հանրապետություն» կուսակցության ղեկավար Արամ Սարգսյանը «Ֆեյսբուք»-ի իր էջում անդրադարձել է հունվարի 6-ին Ադրբեջանի ՊՆ-ի կողմից հրապարակված հաղորդագրությանն ու հայկական կողմի պատասխանին:
«Ադրբեջանը էլի հայտարարում է սահմանային կրակոցների մասին, ՀՀ ՊՆ-ն էլ նորից հերքում է… Ակնհայտ է, որ մինչև ԱՄՆ նախագահի երդմնակալությունը ամենառիսկային ժամանակահատվածն է սահմանային ընդհարումների առումով։
Կարծում եմ` Իլհամ Ալիևը երազում է, որ իրեն հրավիրեն Տրամպի երդմնակալությանը ու իր պարագայում սովորական բանսարկություններով փորձում է իր մասին հիշեցնել, ոչինչ ավելին»:
Հիշեցնենք՝ Ադրբեջանի ՊՆ-ն հունվարի 6-ին 2 անգամ հաղորդագրություն է տարածել, թե ՀՀ ԶՈՒ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ:
Հայկական կողմը հերքել է հրապարակված տեղակատվությունը:
Բաց մի թողեք
Ասենք մարդու նկարը հանեցիք, անունը ջնջեցիք, ՀԷՑ-ը խլեցիք, կառուցած շենքերի հետ ինչ եք անելո՞ւ, պայթեցնելո՞ւ եք․ Ասլանյան
Իշխանական պատգամավորները չաջակցեցին ինձ ԵԱՀԿ ԽՎ-ում, ավելին՝ Ադրբեջանի պատվիրակության հետ փոխադարձ համաձայնության են եկել
«ՀայաՔվե» ազգային քաղաքացիական միավորումը խստորեն դատապարտում է Սամվել Կարապետյանի նկատմամբ իրականացվող հետապնդումները