Ապրիլի 23-ին Կոմիտասի անվան կամերային երաժշտության տանը տեղի է ունեցել Հայաստանի պետական կամերային երգչախմբի «Ի հիշատակ» խորագրով համերգը՝ նվիրված Հայոց Ցեղասպանության 110-րդ տարելիցին։
Համերգը ղեկավարել է Երգչախմբի գեղարվեստական ղեկավար և գլխավոր դիրիժոր, ՀՀ Ժողովրդական արտիստ Ռոբերտ Մլքեյանը։
🎼Ծրագրում՝ Հարություն Դելլալյան, Կոմիտաս, Ջոն Թավեներ, Սամուել Բարբեր, Տիգրան Մանսուրյան, Դավիթ Հալաջյան…
Հարություն Դելլալյանի ստեղծագործությամբ բացվեց համերգը՝ երգեհոնային երաժշտություն՝ Հաղթական ռեքվիեմ, որ կատարեց Տաղարան համույթի մենակատար Թերեզա Ոսկանյանը։
Այնուհետև հայ և արատսահմանցի հանդիսատեսին պարզապես հմայեց Հայաստանի կամերային երգչախումբն իր կատարումներով ու Ռոբերտ Մլքեյանի առաջնորդությամբ ու առանձին գործերում նաև երգեհոնարար Հարություն Թագվորյանի նվագակցությամբ։
Համերգին ներկա էին ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանը, կոմպոզիտոր, ՀՀ արվեստի վաստակավոր գործիչ, ժողովրդական արտիստ Տիգրան Մանսուրյանը, Լիտվայի Հանրապետությունում ՀՀ արտակարգ և լիազոր դեսպան Հովհաննես Իգիթյանը, ով ուղեկցում էր բազմամարդ արտասահմանյան գործիչների՝ հիմնականում Ֆրանսիայից։
Բաց մի թողեք
Փոքրիկ Իշխանի մոլորակից դեպի մարդու սիրտը․ Ներկայացումը՝ Դրամատիկական թատրոնում․ Լուսանկարներ
Սալոնիկի սիմֆոնիկ նվագախմբի կողմից Խաչատրյանի դաշնամուրի կոնցերտի փայլուն կատարումը՝ նվիրված Հայոց ցեղասպանության զոհերի հիշատակին
Կինոյի այնպիսի մի հրաշք, որի հայացքում միաժամանակ ապրում են կրակն ու խոցելիությունը