Հունիսի 2-ին Սյունիքի մարզի Գորիս քաղաքում՝ քաղաքապետարանին կից շենքում, բացվել է Ֆրանսիայի պատվո հյուպատոսությունը։
Պատվո հյուպատոսն ազգությամբ հայ Կարմեն Ափունցն է:
Հյուպատոսության բացման արարողությանը ներկա են եղել Հայաստանում Ֆրանսիայի դեսպան Օլիվիե Դըկոտինյին, Հայաստանի արտաքին գործերի փոխնախարար Վահան Կոստանյանը, Սյունիքի մարզպետ Ռոբերտ Ղուկասյանը, Գորիսի քաղաքապետ Առուշ Առուշանյանը, Լիոն քաղաքի պատվիրակությունը, դիվանագետներ և այլք:
Ֆրանսիան Սյունիքում հյուպատոսություն բացելու մասին հայտարարել էր դեռևս 2023-ին արտգործնախարարի մակարդակով։
Ֆրանսիայի կողմից Գորիսի ընտրությունը կապված է քաղաքի վաղեմի մշակութային կապերի հետ ֆրանկոֆոն աշխարհի հետ։
Համարվելով Հայաստանի ամենաֆրանսախոս քաղաքներից մեկը՝ Գորիսում 2006-ից գործում է ֆրանսիական մշակութային կենտրոն։ Կենտրոնը ակտիվ դեր է խաղացել տարածաշրջանում ֆրանսիական լեզվի և մշակույթի տարածման գործում, այդ թվում՝ տեղի դպրոցականների համար ֆրանսերենի դասավանդմանը աջակցելու գործում։
Բաց մի թողեք
Ադրբեջանցի զինծառայող է մահացել Օմարի լեռնանցքում
Սիսիանում բողոքի ակցիա են իրականացրել ոչ թե ադրբեջանցիները, այլ իրանցիները. Ոստիկանությունը մանրամասներ է հրապարակել. Լուսանկար
Խոշոր վթար Երևանում. Ցուցանակը կոտրվել է, իսկ երկաթե էլեկտրասյունը՝ տապալվել. Լուսանկար