ՀԱՊԿ-ի մասով Հայաստանը ոչ թե ակնարկում է, այլ ուղիղ տեքստով ասում է՝ այսպես չի կարող երկար մնալ:
Այս մասին կառավարության նիստից հետո լրագրողների հետ ճեպազրույցում ասել է ՀՀ ԱԳ փոխնախարար Վահան Կոստանյանը։
«Ի վերջո, եթե ՀԱՊԿ գործընկերները, այդ թվում՝ նաև ՌԴ-ն, հանդես չգան քաղաքական հայտարարություններով, որոնց մասին խոսվել է դեռևս տարիներ առաջ ՀՀ սուվերեն տարածքի նկատմամբ հարձակումից հետո, ապա Հայաստանը վերջնական որոշում կկայացնի»,- նշել է նա:
Ինչ վերաբերում է ԵԱՏՄ-ին, Կոստանյանը հավելել է, որ շարունակում ենքլինել եվրասիական միության անդամ, ինչպես նաև շարունակվում են խորացնել հարաբերությունները ԵՄ երկրների հետ:
«Այն պահին, երբ անհրաժեշտություն կառաջանա հստակ որոշումներ կայացնելու, կկայացնենք»,- ասել է Կոստանյանը:
Հարցին՝ ՀԱՊԿ-ի հետ կապված դիրքորոշումը խոցելի չի՞ դարձնում, Կոստանյանը պատասխանել է. «Կարծում եք՝ լինելով ՀԱՊԿ անդամ՝ պակաս խոցելի ենք եղե՞լ»։
Բաց մի թողեք
ՀԷՑ-ի՝ քաղաքական խարդավանքներով զբաղվող աշխատողները կազատվեն, հավաքների գնալ պարտադրողները՝ կդատվեն. վարչապետ
ԱԺ-ն՝ առաջին ընթերցմամբ ընդունեց, տրանսպորտում քաղաքացիներին տուգանելու և ՀԷՑ-ը պետականացնելու նախագծերը
Ռուս-հայկական հարաբերությունները փչացնելու խնդիրը լուծողները որոշ ռուս խմբագիրներ և ԶԼՄ-ներ են. Սիմոնյան