Վրաստանի Գարդաբանի մունիցիպալիտետի Գարա Թախլա գյուղում, որտեղ մեծաթիվ ադրբեջանաբնակ համայնք կա, ծեծկռտուք է տեղի ունեցել, որի հետևանքով մեկ մարդ սպանվել է, իսկ չորսը՝ ծանր վիրավորվել։
Aktual.ge-ի փոխանցմամբ՝ հունվարի 5-ի երեկոյան գյուղում հարսանիքի ժամանակ վեճ է ծագել երկու տեղացի բնակիչների՝ Ֆաիլ Ալիևի և Այդին Մամեդովի միջև։ Մամեդովի երեխաները ավելի ուշ մեքենայով մոտեցել են Ալիևի տուն և հարձակվել նրա վրա։ Ծեծկռտուքի ժամանակ Ալիևի որդին դանակահարել է հարձակվողներից երեքին։
Վիրավոր տղամարդիկ այնուհետև իրենց մեքենայով հարվածել են 50-ամյա Ֆաիլ Ալիևին՝ սպանելով նրան տեղում։ Մնացած վիրավորները տեղափոխվել են Ռուսթավիի կլինիկա։
Վրաստանի Ներքին գործերի նախարարությունը հայտնել է, որ հետաքննություն է ընթանում Վրաստանի քրեական օրենսգրքի 19-109-րդ հոդվածի (կանխամտածված սպանության փորձ) հատկանիշներով։
Բաց մի թողեք
«Հայաստան» դաշինքի ԱԺ մանդատ ստացած պատգամավորներն են
Հայտնի է՝ «Քաղաքացիական պայմանագիր» կուսակցությունից ովքեր են մանդատներ ստացել
«Ուժեղ Հայաստան» կուսակցությունների դաշինքից մանդատներ են ստացել