Երևանի Մալաթիա-Սեբաստիա վարչական շրջանի Անդրանիկ-Բաբաջանյան փողոցների խաչմերուկում արդեն երեք օր է`կոյուղաջրերը դուրս են գալիս դիտահորից` ողողելով հարակից փողոցները, սակայն մինչև այսօր «Վեոլիա Ջուր» ընկերության աշխատակիցներին չի հաջողվել խցանումը բացել:
Ըստ ընկերության հաղորդագրության, վերջին օրերի տեղումներից առաջացած անձրևաջրերը հեռացնելու նպատակով տեղի բնակիչները որոշել են բացել դիտահորն ու ապահովել դրանց անարգել հեռացումը։
«Դրա հետևանքով, սակայն, հավանաբար մեքենաների շարժից դիտահորի ծածկը կոտրվել է, և դրա մասերը, ինչպես նաև շուրջը թափված ասֆալտի կտորները հայտնվել են կոյուղագծի մեջ։ Կոյուղագիծն այնպես է խցանվել, որ «Շահումյան» շահագործման տեղամասի մասնագետները ոչ ձեռքով, ոչ տեխնիկայով չեն կարողանում բացել այն։
Այս պահին Վեոլիա Ջուր ընկերությունը խնդրի մասին տեղեկացրել էր վարչական շրջանի աշխատակազմին`համատեղ լուծում գտնելու համար»,- ասվում է հաղորդագրության մեջ։
Բաց մի թողեք
Միգրանտները կպարտավորվեն հեռախոս գնել Ռուսաստան ժամանելուն պես․ նոր կանոններ են գործելու ՌԴ-ում
Քաղաքացիները Մալաթիայի ջրանցքից դուրս են բերել տղամարդու, ով հայտնել է, որ ևս 2 մարդ է ընկել ջրանցքը
Ռուսաստան մուտք գործող յուրաքանչյուր օտարերկրացի կգտնվի ոստիկանության և հատուկ ծառայությունների շուրջօրյա հսկողության տակ