Մայիսի 1-ին՝ Աշխատանքի միջազգային օրվա կապակցությամբ Երևանում նախատեսվում է իրականացնել մեծ շքերթ։
Հրապարակ թերթը գրել է․ Շքերթը շարժվելու է Ամիրյան փողոցից դեպի Հանրապետության հրապակ։ Տեղի է ունենալու նաև տոնական համերգ՝ Արամ MP3-ի, Սրբուկի, Սարո Գևորգյանի և DJ-ների մասնակցությամբ։ Նաև ցերեկային հրավառություն կանեն և օդապարիկների թռիչք կլինի։
Միջոցառումը կազմակերպել է «Դոմինո փրոդաքշնը», որն իշխանությունների տոների ու հանդիսությունների սիրելի կազմակերպիչն է։
«Հրապարակ»-ին «Դոմինո փրոդաքշն»-ից հայտնեցին, որ միջոցառման վրա պետբյուջեից գումար չի ծախսվել և հովանավորներ էլ չկան։ «Ինչպես գինու փառատոնին, ամանորյա տոնավաճառին, այս դեպքում էլ ընկերություններ են լինելու, ովքեր մասնակցության դիմաց վճարելու են, ինչից էլ գոյանալու է ողջ հասույթը»,- նշեցին ընկերությունից, չմանրամասնելով, թե որ ընկերություններն են մասնակցելու և ինչ ֆորմատով։
Դեռևս հայտնի չէ՝ մայիսի 1-ին Նիկոլ Փաշինյանի «Վարչաբենդը» ելույթ կունենա՞, թե՝ ոչ։
Ավելի վաղ գրել էինք, որ Քաղաքացու օրը՝ ապրիլի 25-ին, Հանրապետության հրապարակում տեղի է ունենալու «Խաղաղության ձայնը» երաժշտական փառատոնը, որը կրկին «Դոմինո փրոդաքշն»-ն է կազմակերպել, իսկ ֆինանսավորումը իրականացնում է «Ֆասթ բանկը»։
Որպես հյուր «Վարչաբենդը» ևս ելույթ կունենա այդ օրը։
Փաստորեն, մտել ենք տոների, շքերթների ու հրավառությունների փուլ եւ դա կտեւի մինչեւ հունիսի 7-ը:
Բաց մի թողեք
Սա վատ է անդրադառնալու սերնդափոխության վրա․ Մանվել Բադալյան
Կատարյալ ֆիասկո
«Կրթվելը նորաձեւ է» ՀԿ-ն բարեգործություն է անում․ նրան ձայնագրող ու արգելող չկա