Պենտագոնը մշակում է Հորմուզի նեղուցում իրանական ռազմական թիրախներին հարվածելու ծրագրեր, եթե հրադադարը խզվի։
Այս մասին հաղորդել է CNN-ը՝ հղում անելով տեղեկացված աղբյուրներին։
Նրանց խոսքով՝ քննարկվող տարբերակները ներառում են հարվածներ իրանական թիրախներին Հորմուզի նեղուցում, Պարսից և Օմանի ծոցերում, ներառյալ հարձակումները փոքր մոտորանավակների, ականակիր նավերի և այլ միջոցների վրա:
Աղբյուրների համաձայն՝ ԱՄՆ զինված ուժերը կարող են նաև իրականացնել նախագահ Դոնալդ Թրամփի սպառնալիքը՝ հարվածել ենթակառուցվածքային ու էներգետիկ օբյեկտներին՝ Իրանին ստիպելու նստել բանակցությունների սեղանի շուրջ։
ԱՄՆ-ն, հավանաբար, լրացուցիչ հարվածներ կուղղի նաև Իրանի մնացած ռազմական ակտիվներին, այդ թվում՝ հրթիռային կայանքներին ու արտադրական հզորությանը։
Միաժամանակ ԱՄՆ նախագահը բացառել է միջուկային զենքի կիրառումը Իրանի դեմ հակամարտության ժամանակ:
«Ոչ, ես չեմ պատրաստվում դա անել։ Ոչ մի երկիր չպետք է միջուկային զենք օգտագործի»,- Թրամփն ասել է լրագրողներին։
Նա նաև նշել է, որ չի շտապում համաձայնություն կնքել Իրանի հետ հակամարտությունը դադարեցնելու համար: Նախագահի կարծիքով ժամանակն ամերիկյան կողմում է, ոչ թե՝ իրանական:
Բաց մի թողեք
Պուտինն ու Թրամփը հեռախոսազրույց են ունեցել. այն տևել է շուրջ մեկ ժամ
Իսրայելը կշարունակի գործողությունները Լիբանանում | ԱՄՆ-ն կվերսկսի պատերազմը, եթե Իրանի հետ վերջնական համաձայնություն չլինի
Հազարավոր մարդիկ բողոքի ցույց են անցկացնում Ժնևում՝ G7-ի դեմ