Մարտինեսը հայտարարել է Պորտուգալիայի հավաքականի գլխավոր մարզչի պաշտոնից հեռանալու մասին. Լուսանկար

Ֆուտբոլի 2026 թվականի աշխարհի առաջնության 1/8 եզրափակիչում Իսպանիայից կրած պարտությունից (0-1) և պայքարը լքելուց հետո Պորտուգալիայի ազգային հավաքականի գլխավոր մարզիչ Ռոբերտո Մարտինեսը հայտարարել է պաշտոնից հեռանալու մասին։

Մամուլի ասուլիսի ժամանակ իսպանացի մասնագետը հաստատել է իր հեռանալու փաստը՝ նշելով, որ թիմի համար ավարտվում է մի ամբողջ ժամանակաշրջան.

«Սա ցիկլի ավարտ է։ Այժմ կարևոր է, որ թիմը նոր մարզիչ ունենա։ Ֆեդերացիայի նախագահը կընտրի նոր ղեկավար։ Ես շնորհակալ եմ աջակցության համար, որն ինձ ցուցաբերվել է»,- ասել է Մարտինեսը։

Ռոբերտո Մարտինեսը Պորտուգալիայի ազգային հավաքականի ղեկավարումը ստանձնել էր 2023 թվականի հունվարին՝ այդ պաշտոնում փոխարինելով Ֆեռնանդու Սանտուշին։ Նրա գլխավորությամբ հավաքականը 2025 թվականին նվաճեց Ազգերի լիգան։