Երեքշաբթի ԱՄՆ և Ուկրաինայի նախագահներ Դոնալդ Թրամփը և Վլադիմիր Զելենսկին «պետք է Վաշինգտոնում հանդիպեն»։Այդ մասին հայտնել է Reuters-ը՝ հղելով Սպիտակ տան ներկայացուցիչներից ունեցած տեղեկությանը։
Ուկրաինական Unian-ի փոխանցմամբ, Զելենսկու աշխատակազմում «դեռևս սպասում են Դոնալդ Թրամփի աշխատանքային ժամանակացույցի ճշգրտմանը»։
Սպիտակ տան աղբյուրները Reiters-ին նաև ասել են, որ ամերիկացի և ուկրաինացի «պաշտոնյաները քննարկել են օդում ռազմական գործողությունները դադարեցնելու առաջարկությունը, որ նոր խաղաղ նախաձեռնությունների շրջանակներում նախատեսվում է ներկայացնել ռուսաստանյան կողմին»։
Նման առաջարկություն Ուկրաինան նախկինում ներկայացրել է, բայց Ռուսաստանը չի համաձայնել։ Տպավորություն կա, որ Ռուսաստանի նավթավերամշակման գործարաններին, լցանավերին և Ղրիմի կրիտիկական ենթակառուցվածքներին վերջին շրջանում հասցված հարվածները «Պուտինի դիրքորոշումը կարող են մեղմել»։
Ինչպես տեղեկացրել են իսրայելական լրատվամիջոցները, հուլիսի 24-ին վարչապետ Նաթանյահուն «կառավարության հինգ ժամ տևած նիստ է անցկացրել»։ Հայտնի է դարձել, որ ԱՄՆ նախագահը նրան «Վաշինգտոն է հրավիրել»։
Կնեսեթի փոխխոսնակ, «Մեր տուն Իսրայել» ընդդիմադիր կուսակցության անդամ Սովան ադրբեջանական haqqin.az-ին հարցազրույցում կարծիք է հայտնել, որ Նաթանյահուն Վաշինգտոնում «կքննարկի Իրանի դեմ ԱՄՆ պատերազմին Իսրայելի անհապաղ մասնակցության հարցը։
Իսրայելցի ընդդիմադիր խորհրդարանականի գնահատմամբ՝ «Նաթանյահուն ձգտում է Իրանի դեմ պատերազմը դարձնել սասանված վստահությունը վերականգնելու միջոց»։
Այս համատեքստում ԱՄՆ նախագահ Թրամփը կրկին խոսել է Իրանին Ռուսաստանի և Չինաստանի ռազմական աջակցության մասին։ Նա հրապարակայնացրել է, որ Սի Ծինփինը և Վլադիմիր Պուտինը իրեն «խոստացել» են Իրանին «անմիջական ռազմական օգնություն չցուցաբերել, քանի որ դա ամենից առաջ սպառնալիք է նրանց համար»։
Ամերիկյան ավելի քան հիսուն հազար զինվորականներ արդեն իսկ Մերձավոր Արևելքում են։ Ըստ լուրերի, ԱՄՆ-ը «ինչպես Իսրայելի ռազմական, այնպես էլ Բեն-Գուրիոն քաղաքացիական օդնավակայանում տասնյակ նոր լիցքավորող ինքնաթիռներ է տեղակայել»։ Նախագահ Թրամփը հայտարարել է Իրանին «ավելի հուժկու հարվածներ հասցնելու որոշմանը մոտ լինելու» մասին»
Ռուս-ուկրաինական և Իրանի դեմ իսրայելա-ամերիկյան պատերազմը, կարծես, հասել է մի կետի, որտեղ կողմերը կամ պետք է կանգ առնեն և իրավա-քաղաքական լուծումներ փնտրեն, կամ ռազմական գործողությունները կշարունակվեն նոր թափով և ծավալներով։
Մանիլայում ԱՄՆ պետքարտուղարի հետ երեսունհինգ րոպե տևած բանակցություններից հետո ՌԴ արտգործնախարար Լավրովը կրկին խոսել է «ոչ կոնվենցիոնալ պատերազմի հավականությունից»։
Բաց մի թողեք
«Ռուսաստա՛ն, Պուտի՛ն, Հաղթանա՛կ». Վոլոդինի այս կարգախոսը Պետդումայի պատգամավորները չեն սկսել վանկարկել
Ինչո՞ւ Թրամփը նորից սկսեց պատերազմը Իրանի դեմ
Տոկաևը «չի հասկանում», թե սլավոնական եղբայր ժողովուրդները ինչո՞ւ են «իրար մորթում»