Բագրատ Սրբազանն անդրադարձել է Ազգային ժողովում ընդդիմության գործունեությանը՝ ընդգծելով, որ անհրաժեշտ է աջակցել խորհրդարանական ընդդիմությանը։
Ասուլիսի ժամանակ նա ընդդիմադիր պատգամավորներին հորդորել է ավելի ակտիվ գործել և քաղաքական պայքարում պահպանել բարեկրթության սկզբունքը։ Նրա գնահատմամբ՝ ընդդիմության ներկայացուցիչները պետք է ոչ թե սահմանափակվեն հայտարարություններով, այլ իրենց գործողություններով ցույց տան, թե ինչպես են պատկերացնում արդյունավետ քաղաքական գործունեությունը։
Միաժամանակ Սրբազանը քննադատել է իշխանական խմբակցության ներկայացուցիչների հայտարարությունները՝ դրանք բնութագրելով որպես կեղծ և իրականությանը չհամապատասխանող։
Նա հատկապես անընդունելի է համարել խորհրդարանի ամբիոնից հոգևորականների հասցեին հնչող վիրավորական համեմատությունները։ Սրբազանի խոսքով՝ նման արտահայտությունների պայմաններում դժվար է խոսել քաղաքական բարեկրթության կամ բարոյական նորմերի պահպանման մասին։
Բագրատ Սրբազանը նշել է, որ այս իրավիճակում անհրաժեշտ է համախմբվել և աջակցել Ազգային ժողովում գործող ընդդիմադիր ուժերին։
Բաց մի թողեք
Ինչ եղան 100 դրամանոցների սարքերը
Ձևական պրոցեսներ են լինելու, եթե դա չլինի. Լիանա Մանուկյան
Հոկտեմբերին որ համայնքներում են ՏԻՄ ընտրություններ լինելու