«Հայկական ժամանակ»-ի տեղեկություններով՝ Գյումրու քաղաքապետ Վարդգես Սամսոնյանը հրաժարական է տվել:
Տեղեկությունը ճշտելու համար կապ հաստատեցինք մամուլի քարտուղար Սոնա Առաքելյանի հետ: Վերջինս մեզ հետ զրույցում ասաց, որ պաշտոնական հայտարարություն կտարածեն:
Թիվ 31 ընտրատարածքային հանձնաժողովի նախագահ Տիգրան Ղազարյանն էլ մեզ հետ զրույցում տեղեկացրեց, որ մանդատները վայր դնելու, ինչպես նաև Սամսոնյանի հրաժարականի վերաբերյալ դիմում առայժմ չեն ստացել:
Հիշեցնենք՝ հոկտեմբերի 11-ին «Բալասանյան դաշինք»-ը իր բացակայությամբ տապալել էր Գյումրու ավագանու նիստը։
Սեփական որոշմամբ՝ հոկտեմբերի 15-ից աշխատանքային պարտականությունները ժամանակավորապես հեռավար իրականացնելու որոշում էր կայացրել քաղաքապետ Վարդգես Սամսոնյանը, այնուհետև՝ վերադարձել աշխատանքի:
«Հայկական ժամանակ»-ի տեղեկություններով՝ Վարդգես Սամսոնյանի հրաժարականի հետ միաժամանակ մանդատները վայր կդնեն «Բալասանյան» դաշինքի ավագանու անդամները:
Բաց մի թողեք
Կաթողիկոսի եղբոր գործակալ լինելը հաստատող ԱԱԾ-ն պետական գաղտնիք է համարում ԽՍՀՄ պետական անվտանգության կոմիտեի հետ համագործակցած անձանց ցանկը
Վասիլիս Մարագոսը՝ ԵՄ-ի կողմից ՀՀ-ին տրամադրվելիք աջակցության մասին
Սամվել Բաբայանի և Արթուր Վանեցյանի քաղաքական համագործակցությունը դադարեցվել է