Ուկրաինայի նախագահ Վլադիմիր Զելենսիի և ԱՄՆ նախագահական ընտրություններում հաղթած հանրապետական Դոնալդ Թրամփի միջև երկխոսություն է հաստատվել, և կողմերի թիմերը կսկսեն նախապատրաստվել հանդիպումը կազմակերպելուն։
Այս մասին նոյեմբերի 9-ին հայտարարել է Ուկրաինայի արտաքին գործերի նախարար Անդրեյ Սիբիգան՝ Կիևում եվրոպական դիվանագիտության ղեկավար Ժոզեպ Բորելի հետ կայացած մամուլի ասուլիսում։
«Նախագահ Զելենսկու և նորընտիր նախագահ Թրամփի միջև երկխոսությունն արդեն հաստատված է։ Հենց հեռախոսազրույցի արագությունն ուղղակի վկայում է երկրների ղեկավարների միջև արդեն իսկ գոյություն ունեցող ուղիղ երկխոսության մասին, որն արդեն հաստատվել է, կա և շարունակվում է», – մեջբերում է նրա խոսքերը «Ինտերֆաքս-Ուկրաինա»-ն։
Նրա խոսքով՝ քննարկվել են «առաջնորդների մակարդակով ապագա շփումները» Ուկրաինայի և ԱՄՆ-ի միջև։
Նոյեմբերի 7-ին The Wall Street Journal-ը հայտնել էր, որ Թրամփի թիմն արդեն քննարկում է Ուկրաինայի հակամարտությանը վերջ տալու նոր ծրագիր։ Այն ներառում է մի քանի հիմնական կետեր, որոնց համաձայն՝ առաջնագիծը սառեցվելու է, և դրա երկարությամբ հայտարարվելու է ապառազմականացված գոտի։ Միաժամանակ Կրեմլի պաշտոնական ներկայացուցիչ Դմիտրի Պեսկովը կարծիք է հայտնել, որ հրապարակումը վերացական է և հիշեցնում է բուն հրատարակության պլանը։
Նույն օրը ԱՄՆ Պետդեպարտամենտի խոսնակ Մեթյու Միլլերը հայտարարել է, որ եթե Զելենսկին որոշի խաղաղ բանակցություններ վարել Ռուսաստանի հետ՝ հակամարտությունը կարգավորելու համար, ԱՄՆ-ը կաջակցի նրան։
Բաց մի թողեք
Ինչպես Իլոն Մասկը վերածվեց 21-րդ դարի Հուլիոս Կեսարի․ El Mundo
Կանխվել է ՌԴ ՊՆ ղեկավարներից մեկի նկատմամբ պլանավորված մահափորձը. ինչպես էր այն իրականացվելու
Կրեմլը չի մեկնաբանի ադրբեջանական ինքնաթիռի կործանման պատճառները, կսպասի փորձաքննության արդյունքներին. Պեսկով