Երևան քաղաքի ընդհանուր իրավասության դատարանը կայացրել է արդարացման վերդիկտ քրեական աստիճանակարգության բարձրագույն կարգավիճակ պահպանելու համար մեղադրվող Արմեն Ղազարյանի վերաբերյալ:
Այս մասին հայտնել է Ղազարյանի փաստաբան Էդգար Արամյանը։
Նշենք՝ Ղազարյանը «Օրենքով գող» Պզոն է, որը մեղադրվում էր «օրենքով գողի» կարգավիճակը պահելու համար։
Նրան մեղադրանք էր ներկայացվել ՀՀ քրեական օրենսգրքի 322-րդ հոդվածի 1-ին մասով։
Ըստ քրեական վարույթի՝ 1991 թվականին Արմեն Ղազարյանը Ռուսաստանի Դաշնության Դոնի Ռոստով քաղաքում, քրեական աստիճանակարգության բարձրագույն կարգավիճակ ունեցող անձանց ներկայությամբ «թագադրվելով», ստացել է «օրենքով գողի»՝ քրեական աստիճանակարգության բարձրագույն կարգավիճակ և 2022 թվականի նոյեմբերի 1-ի դրությամբ շարունակել է պահպանել օրենքով չթույլատրվող այդ կարգավիճակը։
Նրա նկատմամբ որպես խափանման միջոց էր կիրառվել բացակայելու արգելքը և գրավը 20 մլն դրամի չափով։
Բաց մի թողեք
Սեւանի սկանդալային սպանության գործով Նորատուսցի Արայի որդին արդարացվեց ամենածանր հոդվածներով
Էրեբունու 30 կրակոցների պարագլուխը նախկինում 9 տարով դատված է եղել․ «ռազբոյ»
Ձերբակալվել է Ծառուկյանին պատկանող Երևանի «Արարատ» գինու, կոնյակի և օղու գործարանի տնօրենը․ Լուսանկար