Միացյալ Նահանգները, հնարավոր է, մեծ ազդեցություն չունի Իսրայելի քաղաքականության վրա։ Այսպիսի կարծիք է հայտնել է Թուրքիայի ԱԳՆ ղեկավար Հաքան Ֆիդանը եգիպտական MBC Masr հեռուստաալիքին տված հարցազրույցում։
«Ինչպես գիտեք, տասնամյակներ շարունակ ամերիկյան ներքին քաղաքականության մեջ գոյություն ունի որոշակի իրականություն։ Այն վերաբերում է հարցին, թե ով ում է վերահսկում և ով ում է կառավարում։ Այլ կերպ ասած, վերջին իրադարձությունները (կապված տարածաշրջանում Իսրայելի գործողությունների հետ) ցույց են տվել, որ Միացյալ Նահանգները իրականում այնքան մեծ ազդեցություն չունի Իսրայելի քաղաքականության վրա, որքան նախկինում կարծում էին։ Թերևս հնարավոր է և հակառակ իրավիճակն է»,- ասել է նա։
Խոսելով տարածաշրջանում ճգնաժամերը լուծելու Թուրքիայի ջանքերի մասին՝ Ֆիդանը հիշեցրել է, որ «նախագահ (Ռեջեփ) Թայիփ Էրդողանը իր ժամանակի զգալի մասը նվիրում է այս հարցերին, հատկապես Գազայում ցեղասպանության դադարեցմանը, ինչպես նաև միջազգային դիվանագիտությանը»։
«Նա մշտական շփման մեջ է ինչպես տարածաշրջանային, այնպես էլ համաշխարհային առաջնորդների հետ։ Ամեն անգամ, երբ մենք (ԱՄՆ նախագահ Դոնալդ) Թրամփի հետ քննարկում ենք այս հարցը, մենք անփոփոխ կերպով մեր ուշադրությունը կենտրոնացնում ենք Գազայի խնդրի և Սիրիայում կայունության վրա»,- ասել է Ֆիդանը։
Բաց մի թողեք
«Կույր կետեր». Մայիսյան անօդաչու թռչող սարքերի մասին տագնապը ընդգծում է լիտվացիների համար օդային հարձակման ապաստարանների վատ հասանելիությունը
Ալբանիայում շարունակվում են Թրամփի ընտանիքի հետ կապված հանգստավայրի դեմ բողոքի ցույցերը
Մագյարը պնդում է, որ Ուկրաինայի հետ կնքված փոքրամասնությունների իրավունքների վերաբերյալ համաձայնագիրը կվերացնի ԵՄ անդամակցության վետոն