Եվրոպական հանձնաժողովի նախագահ Ուրսուլա ֆոն դեր Լեյենը հայտարարել է, որ Վենեսուելայի վերաբերյալ ցանկացած որոշում պետք է համապատասխանի միջազգային իրավունքին և ՄԱԿ-ի կանոնադրությանը։
«Մենք ուշադիր հետևում ենք Վենեսուելայում տիրող իրավիճակին։ Մենք աջակցում ենք Վենեսուելայի ժողովրդին և պաշտպանում ենք խաղաղ և ժողովրդավարական անցումը։ Ցանկացած որոշում պետք է համապատասխանի միջազգային իրավունքին և ՄԱԿ-ի կանոնադրությանը»,- նշել է նա:
Ավելի վաղ հայտնել էինք, որ Վենեսուելայի մայրաքաղաք Կարակասում պայթյուններ են տեղի ունեցել: Լրատվամիջոցների հաղորդագրությունների համաձայն՝ ԱՄՆ ռազմաօդային ուժերն են հարվածներ հասցրել այնտեղ գտնվող ռազմական օբյեկտներին։
Վենեսուելայի ռազմաօդային ուժերը, ըստ տեղեկությունների, օդ են բարձրացրել Su-30MKV կործանիչներ՝ ամերիկյան ինքնաթիռներն ու ուղղաթիռները որսալու համար: Օդում նկատվել են նաև ամերիկյան ծանր բեռնատար Chinook ուղղաթիռներ:
Վենեսուելայի նախագահ Նիկոլաս Մադուրոն Կարակասի վրա ԱՄՆ-ի հարձակման հետևանքով երկրում արտակարգ դրություն է հայտարարել:
Ավելի ուշ ԱՄՆ նախագահ Դոնալդ Թրամփը հայտարարել էր, որ Վենեսուելայի նախագահ Նիկոլաս Մադուրոն և նրա կինը գերի են վերցվել և դուրս բերվել երկրից:
Բաց մի թողեք
ԱՄՆ-ն չի կառավարելու Վենեսուելան, բայց կպահանջի քաղաքականության փոփոխություն՝ նավթային շրջափակման միջոցով․ Լուսանկարներ
Ձերբակալվել է Մադուրոն, բայց սուգ է Կուբայում․ Կուբան «պատրաստ է անկման»
ԱՄՆ հատուկջոկատայինները սառնասրտորեն սպանել են Մադուրոյի թիկնապահներին