Ֆրանսիան պետք է դուրս գա Եվրամիությունից եւ ամրապնդիր սեփական ազգային ինքնիշխանությունը։ այս մասին հայտարարել է «Շարժում հանուն Ֆրանսիայի» կուսակցության ղեկավար Ֆիլիպ դե Վիլյեն։
Ինչպես փոխանցում է Le Journal du Dimanche պարբերականը, դե Վիլյեն հայտարարել է նաեւ, որ բարգավաճ եւ ծաղկուն Եվրոպայի երազանքը վերածվել է սարսափի եւ առաջիկայում այն կարող է հասնել իր վախճանին, քանի որ երեք մահացու հիվանդությամբ է վարակված՝ ԱՄՆ-ի՝ Գրենլանդիայի հարցով վիճաբանությամբ, գյուղատնտեսական ճգնաժամով եւ Ուկրաինային ռազմական աջակցության ցուցաբերմամբ։
Ֆրանսիացի քաղաքական գործիչը ասել է նաեւ, որ Եվրամիությունը նաեւ դարձել է «մանրադրամ» Միացյալ Նահանգների համար՝ մաքսատուրքային պատերազմի համատեքստում։ Իսկ Բրյուսելը ճնշում է բոլոր նրանց, ովքեր այլընտրանքային կարծիք են հայտնում։
Այս ամենի ֆոնին՝ նա կոչ է արել Ֆրանսիային վերականգնել սեփական ազգային օրենսդրության, ֆինանսական քաղաքականության ու դատական համակարգի հանդեպ վերահսկողությունը եւ պատերազմ հայտարարելու իրավունքը։
Բաց մի թողեք
ԱՄՆ-ում քաղաքացիական պատերազմ է․ Լուսանկար
Իրանը մտադիր չէ բանակցել սովորական սպառազինությունների, այդ թվում նաեւ՝ հրթիռային ծրագրի հարցով
Ալի Խամենեին տեղափոխվել է հատուկ ստորգետնյա ապաստարան՝ բունկեր