Նախօրեին Կառավարություն-ԱԺ հարցուպատասխանի ժամանակ թեժ քննարկում էր ծավալվել ընդդիմության և վարչապետ Նիկոլ Փաշինյանի միջև։
Մասնավորապես քննարկման առարկա էր դարձել 2025-ի տարեվերջյան պարգևավճարները և «Հայկական ժամանակ» օրաթերթի չվաճառված համարների դիմաց իբր Սերժ Սարգսյանի փեսա Միքայել Մինասյանի կողմից գումար տրամադրելը։
«Որովհետև մենք մեր սեփական «Միշիկը» չունենք և չենք ուզում ունենալ, որ մտնի պաշտոնյաներին ծրարով փող տա, և չենք էլ ունենալու»,- ասել էր վարչապետը:
Պատգամավոր Հայկ Գևորգյանը դեռ 2020-ին էր factor.am-ի հետ զրույցում հերքել «Հայկական ժամանակ» օրաթերթի վերաբերյալ արված՝ իրականության հետ կապ չունեցող այդ հայտարարությունները, մասնավորապես այն, որ Սերժ Սարգսյանի փեսա Միքայել Մինասյան ՀԺ-ին ժամանակին ֆինանսավորել է՝ չվաճառված թերթերի համար։
«Թերթն ուներ ամենամեծ տպաքանակը, և մենք թերթերի վերադարձի խնդիր չունեինք։ 100 տոկոսով հերքում եմ։ «Հայկական ժամանակ»-ի թերթերը գնելու մի քանի փորձեր եղել են։ Ինձ անձամբ թերթերը գնելու բազմաթիվ առաջարկներ են եղել և մերժվել են»,- շեշտել էր պատգամավորը։
Մանրամասները՝ 2020 թվականին հրապարակված տեսանյութում:
Բաց մի թողեք
Քոչարյանը թող Ղարաբաղին տեր կանգներ, ոչ թե Ղարաբաղը հանձներ․ Գագիկ Մելքոնյան
Իսկ Աստծո դատաստանից ընդհանրապես որևէ մեկը խուսափել չի կարող…
Ո՞ւմ կտրամադրվի լրավճար. առաջարկվում է տարանջատում սահմանել ուսուցիչ չհամարվող մանկավարժական և վարչական աշխատողների միջև