Վենեսուելայի մայրաքաղաք Կարակասում պայթյուններ են տեղի ունեցել: Reuters-ի փոխանցմամբ՝ մայրաքաղաքի վրայով պտտվում են ինքնաթիռներ, երևում է ծխի սյուն, իսկ քաղաքի հարավային մասում գտնվող ռազմական բազայի մոտ գտնվող տարածքը հոսանքազրկված է։
Լրատվամիջոցների հաղորդագրությունների համաձայն՝ ԱՄՆ ռազմաօդային ուժերն են հարվածներ հասցրել այնտեղ գտնվող ռազմական օբյեկտներին։
Տեղի բնակիչներն էլ հայտնել են, որ միացել է օդային հարձակման ազդանշանը: Ականատեսները երկնքում նկատել են ամերիկյան գրոհային ուղղաթիռներ: Վենեսուելայի ռազմաօդային ուժերը, ըստ տեղեկությունների, օդ են բարձրացրել Su-30MKV կործանիչներ՝ ամերիկյան ինքնաթիռներն ու ուղղաթիռները որսալու համար: Օդում նկատվել են նաև ամերիկյան ծանր բեռնատար Chinook ուղղաթիռներ:
Ըստ որոշ աղբյուրների, հարվածներ են հասցվել նաև գեներալիսիմո Ֆրանցիսկո դե Միրանդայի ավիաբազային:
Flightradar24-ի տվյալներով՝ Վենեսուելայի օդային տարածքը դատարկ է։
Ներկա պահին Վենեսուելայի վրայով ինքնաթիռներ չեն թռչում։
Ավելի վաղ հայտնել էինք, որ Վենեսուելայի մայրաքաղաք Կարակասում պայթյուններ են տեղի ունեցել: Լրատվամիջոցների հաղորդագրությունների համաձայն՝ ԱՄՆ ռազմաօդային ուժերն են հարվածներ հասցրել այնտեղ գտնվող ռազմական օբյեկտներին։
Վենեսուելայի ռազմաօդային ուժերը, ըստ տեղեկությունների, օդ են բարձրացրել Su-30MKV կործանիչներ՝ ամերիկյան ինքնաթիռներն ու ուղղաթիռները որսալու համար: Օդում նկատվել են նաև ամերիկյան ծանր բեռնատար Chinook ուղղաթիռներ:
Ըստ լրատվամիջոցների տվյալների՝ Վենեսուելայում պայթյունները շարունակվում են։ Ըստ ԶԼՄ-ների՝ ԱՄՆ ռազմաօդային ուժերը ևս մեկ հարված են հասցրել Մարակայում գտնվող «El Libertador» ավիաբազային։
Clash Report-ի փոխանցմամբ՝ Իգերոտե օդանավակայանի մերձակայքում իրականացված ավիահարվածից հետո գրանցվել են նաև երկրորդային պայթյուններ։ Sky News Arabia հեռուստաալիքը պնդում է, որ գնդակոծության տակ են հայտնվել նաև Վենեսուելայի պաշտպանության նախարարի տունն ու մայրաքաղաքի նավահանգիստը։
Բացի այդ, Կարակասում քաոս է սկսվել. պայթյունների պատճառով բնակչությունը փորձում է տարհանվել քաղաքից։ Միևնույն ժամանակ, մայրաքաղաքի փողոցներում՝ «Միրաֆլորես» նախագահական պալատի մոտ, նկատվում է վենեսուելական զրահատեխնիկայի տեղաշարժ։
Բաց մի թողեք
Քանի րոպե է տևել ԱՄՆ հարձակումը Վենեսուելայի վրա և նախագահն ու կինը գերի են
«Փայլուն գործողություն». Թրամփը հաստատել է Վենեսուելայում իրականացված ռազմական օպերացիան
Վենեսուելայի պաշտպանության նախարարը ողջ է, տեսաուղերձով է հանդես եկել, երկրում արտակարգ դրություն է