Շառլ Միշելը հեգնանքով վաղաժամ շնորհավորել է Պուտինին «վստահ հաղթանակի» կապակցությամբ

Եվրոպական խորհրդի նախագահ Շառլ Միշելը հայտարարել է, թե Վլադիմիր Պուտինի վերընտրվելը ՌԴ նախագահի պաշտոնում չի համարում ժողովրդավարական կամքի արտահայտություն՝ նախապես շնորհավորելով նրան «հաղթանակի» կապակցությամբ։

Իր սարկազմիկ շնորհավորանքը Միշելը հրապարակել է իր «X»-ի իր միկրոբլոգում Ռուսաստանում նախագահական «ընտրությունների» քվեարկության հենց առաջին օրը:

Միշելը հեգնանքով շնորհավորել է Պուտինին առաջիկա անվիճելի «հաղթանակի» կապակցությամբ։

«Ցանկանում եմ շնորհավորել Վլադիմիր Պուտինին այսօր մեկնարկող ընտրություններում համոզիչ հաղթանակի կապակցությամբ. Առանց ընդդիմության, առանց ազատության, առանց ընտրության»,- գրել է Միշելը։

Հշեցնենք՝ այսօր՝ մարտի 15-ին մեկնարկել է ՌԴ նախագահական ընտրությունների քվեարկությունը:

ՌԴ նախագահական ընտրությունները կտևեն երեք օր և կավարտվեն ընտրությունների հիմնական օրը՝ մարտի 17-ին։