Եվրամիության 12 երկրների արտգործնախարարներ Վրաստանում ստեղծված իրավիճակի կապակցությամբ դիմել են Եվրամիության արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելին ու Հարևանության և ընդլայնման քաղաքականության հարցերով եվրահանձնակատար Օլիվեր Վարհելիին։
«Մեծ մտահոգություն Վրաստանում արագորեն վատթարացող իրավիճակի կապակցությամբ»,- հայտնել են Չեխիայի, Դանիայի, Էստոնիայի, Ֆինլանդիայի, Ֆրանսիայի, Գերմանիայի, Լատվիայի, Իռլանդիայի, Լիտվայի, Նիդեռլանդների, Լեհաստանի և Շվեդիայի արտգործնախարարները։ Նրանք Բորելին և Վարհելիին խնդրել են «անհապաղ բանավոր տեղեկատվություն տրամադրել Եվրոպական հանձնաժողովին այն մասին, թե ինչպես կազդի առաջարկվող օրենքը (Վրաստանի) ինը քայլերի (ԵՄ-ին անդամակցելու) իրականացման վրա:
«Մենք խնդրում ենք դա անել առաջնահերթ կարգով և ապահովել, որ այս հրապարակային գնահատականը հայտնվի Վրաստանի խորհրդարանում վերջնական քվեարկությունից առաջ»,- ասվում է հայտարարության մեջ։
Բաց մի թողեք
Իրանը կհայտարարի միջուկային ռումբի տնօրինման մասին, ըստ այդմ՝ պատասխանել է Իսրայելին
Կիսում ենք ԵԱՀԿ առաքելությունների մտահոգությունները․ Միլլերը՝ Ադրբեջանի խորհրդարանական ընտրությունների արդյունքի մասին
Վրաստանի եվրոպական հեռանկարի վերջը կգա. Կոբախիձե