Ալեն Դելոնի ընտանիքը հրաժարվել է կատարել ֆրանսիական և համաշխարհային կինոյի աստղի կտակի այդ կետը, որով դերասանը խնդրել է մարդկայնորեն էֆթանազիայի ենթարկել իր սիրելի շանը և թաղել տիրոջ հետ։
Դելոնը ցանկացել է մահից հետո էլ չբաժանվել իր բելգիական հովվաշնից՝ Լուբո մականունով, սակայն կենդանիների իրավունքների պաշտպանների բողոքի ալիքի ժամանակ դերասանի դուստրը՝ Անուշկան, խոստացել է, որ 10-ամյա հովվաշունը ողջ կմնա եւ կշարունակի ապրել դերասանի ընտանիքում:
Ֆրանսիական «Բրիջիտ Բարդո» բարեգործական հիմնադրամը, որը զբաղվում է կենդանիների իրավունքների պաշտպանությամբ, X սոցիալական ցանցում հայտնել է, որ Դելոնի դուստրը հաստատել է, որ ոչ ոք չի պատրաստվում էվթանազիայի ենթարկել Լուբոյին, շունն ունի տուն և ընտանիք:
Կինոյի աշխարհահռչակ լեգենդ Դելոնը մահացել է օգոստոսի 17-ի լույս 18-ի գիշերը Օռլեանի մերձակայքում գտնվող Սուլս կոմունայի իր տանը: Նա 88 տարեկան էր։
Բաց մի թողեք
«Մորիսս մեր 20 տարվա հեքիաթն է, յուրահատուկ էր, տարբերվող». Մորիս Խումարյանն անմահացել է հոկտեմբերի 19-ին Իշխանաձորում, տուն «վերադարձել» … երեք ամիս անց. Լուսանկարներ
Արթուր Օսիպյանի ազատ արձակման պահանջ՝ ուղղված ՀՀ գլխավոր դատախազ Աննա Վարդապետյանին
Հռոմի պապը շրջագայում է Իսպանիայում՝ 12 ելույթով և ավելի քան 2500 կիլոմետր ծրագրով