Պուտինը ՌԴ-ին արժանի նոր ռազմավարական գործընկեր է գտել

Վլադիմիր Պուտինը Պետդումա՝ վավերացման համար ուղարկել է Հարավային Օսիայի հետ ռազմատեխնիկական համագործակցության համաձայնագիրը։ Փաստաթուղթը հրապարակվել է օրենսդրական աջակցության համակարգի կայքում։

«Վավերացնել Ռուսաստանի Դաշնության և Հարավային Օսիայի Հանրապետության միջև ռազմատեխնիկական համագործակցության զարգացման մասին համաձայնագիրը»,- ասվում է փաստաթղթի տեքստում։

Պուտինը նշել է Հարավային Օսիայի հետ ռազմական համագործակցության խորացման պայմանավորվածության մասին։

Ըստ ռուսական ԶԼՄ-ների, որոնք հղում են անում համապատասխան փաստաթղթին, երկու երկրների համար կարևոր առաջնահերթություն է մնում Ռուսաստանի և Հարավային Օսիայի միջև ռազմաքաղաքական համագործակցությունը։

2009 թվականին առաջին համաձայնագրի ստորագրումից հետո բարեկամության և փոխօգնության վրա հիմնված համագործակցությունը տարածաշրջանում կայուն անվտանգություն է ստեղծել, գրում են ԶԼՄ-ները: