Ադրբեջանը սպառնացել է հայ-ադրբեջանական սահման այցելած Լեհաստանի նախագահին

Ինչպես ավելի վաղ հայտնել էինք, Լեհաստանի նախագահ Անջեյ Դուդան Հայաստանում Եվրամիության դիտորդական առաքելության՝ Երասխ բնակավայրում գտնվող դիտակետում հանդիպել է լեհ դիտորդների հետ։

Ադրբեջանը կտրուկ է արձագանքել Լեհաստանի նախագահի այցելությանը հայ-ադրբեջանական սահման:

Ադրբեջանի արտաքին գործերի նախարարությունը սպառնալից հայտարարություն է տարածել և Անջեյ Դուդայի այդ այցը որակել որպես «հեռադիտակ-շոու»:

«Խորապես ցավում ենք Ադրբեջանի ռազմավարական գործընկերոջ անընդունելի դիվանագիտական «հեռադիտակ-շոուի» մասնակցության համար, որը հանգեցրեց Ադրբեջանի և Լեհաստանի միջև հարաբերությունների սրմանը: Ադրբեջանն իրեն իրավունք է վերապահում ձեռնարկել համապատասխան դիվանագիտական միջոցներ՝ ի պատասխան այս ոչ բարեկամական գործողության»,- հայտարարել է ԱԳՆ-ն: