Մոսկվայում դերասան Գոշա Կուցենկոյի մեքենայում կնոջ դի է հայտնաբերվել․ Լուսանկար

ՌԴ հայտնի դերասան Գոշա Կուցենկոյի մեքենայում կտրող-ծակող առարկայով պատճառված վնասվածքներով կնոջ դի է հայտնաբերվել:

Այս մասին հայտնել են ռուսական լրատվամիջոցները՝ նշելով, որ մեքենան, որում հայտնաբերվել է դին, կայանված է եղել Մոսկվայի Կուտուզովսկի պողոտայի տներից մեկի բակում։

Սպանության համար կասկածվողը չի էլ փորձել փախչել դեպքի վայրից և մոտ երեք ժամ դիակի հետ գտնվել է մեքենայում: Ըստ որոշ աղբյուրների՝ կասկածյալը Թաթարստանից է, 30-ամյա գործազուրկ Ալբերտ Աբդուլինը։

Տղամարդը նախկինում դատապարտված է եղել սպանության, գողության, սպառնալիքների, բռնաբարության և մարմնական վնասվածք պատճառելու համար։

Քննչական կոմիտեն քրեական գործ է հարուցել սպանության հոդվածով։