ԻՔՄ նախագահ Դանիել Իոաննիսյանը ֆեյսբուքյան իր էջում գրել է․ ԱԺ պատգամավոր Անդրանիկ Քոչարյանի խնդրահարույց պահվածքը հնարավոր է դարձել նաև Ազգային ժողովի էթիկայի հանձնաժողովի մասով խիստ խնդրահարույց սահմանադրական կարգավորումների արդյունքում:
Սահմանադրությունը, ինչպես գիտեք, դրա 107-րդ հոդվածով ենթադրում է, որ պատգամավորի էթիկայի հարցերը քննող հանձնաժողովը պետք է լինի ժամանակավոր հանձնաժողով: Այսինքն, 2015-ին ընդունված (կեղծիքով պարտադրված) Սահմանադրությամբ չի կարող լինել պատգամավորական էթիկան քննարկող մշտական մարմին:
Նախկինում, օրինակ 2012-2017թթ. գործած (5-րդ գումարման) ԱԺ էթիկայի հանձնաժողովը շատ ավելի արդյունավետ էր, քանի որ առանձին վերցրած էթիկայի խախտման դեպքի քննության համար պետք չէր ԱԺ մեծամասնության քվեն: Իմիջիայլոց, մի պահ այդ հանձնաժողովի նախագահը ընդդիմադիր էր (Նիկոլ Փաշինյանն էր):
Բայց ՀՀԿ-ական իշխանությունները որոշեցին, որ պետք է պաշտպանեն սեփական պատգամավորներին էթիկայի խախտումների վերաբերյալ ինստիտուցիոնալ քննարկումներից և փոխեցին սահմանադրական կարգավորումը:
Արդյունքում, այժմ Անդրանիկ Քոչարյանի ու էթիկան խախտող այլ պատգամավորների պահվածքը չի դառնա էթիկայի հանձնաժողովի քննարկման առարկա, եթե դրան կողմ չլինի ԱԺ մեծամասնությունը: Իսկ ԱԺ մեծամասնությունը, ինչպես տեսնում եք, կողմ չի:
«Իրազեկ քաղաքացիների միավորումը» սահմանադրական բարեփոխումների սահմաններում առաջարկելու է փոփոխել ԱԺ հանձնաժողովների հետ կապված սահմանադրական կարգավորումները՝ վերադառնալով 2005 թվականի մայր օրենքի տարբերակին (թողնել օրենքի կարգավորմանը) կամ էլ ուղիղ կերպ ամրագրել ԱԺ էթիկայի հանձնաժողովի մշտական բնույթը:
Բաց մի թողեք
Պետրոսը կարգադրել է բոլորին. Բագրատյանը Հ1 չպիտի գա
ՔՊ-ն հստակ հասկանում է՝ արցախցիների նկատմամբ ատելությամբ իշխանության հենարան են ապահովում․ Թաթոյան
ՍԴ-ն «Ապօրինի գույքի բռնագանձման» օրենքը հակասահմանադրական չի համարել, 2 կարգավորում է մեկնաբանել. Վարդանյան