Նիկոլ Փաշինյանն իր ընդդիմախոսների, իրեն խանգարողների, իր իշխանության համար պոտենցիալ վտանգ ներկայացնողների դեմ պայքարի արդեն հստակ մշակված մեխանիզմ ունի: Դա ծավալում է օգտագործելով ԱԺ ամբիոնը, որտեղից հրապարակային հրահանգներ է իջեցնում իր թիմին և իրավապահներին:
Այն մարդիկ, ովքեր իրենց կամային, ընդդիմադիր հայացքներով ու գործողություններով նրան դուր չեն գալիս և պոտենցիալ վտանգ են ներկայացնում նրա համար, ինչ որ պահի դառնում են իր թիրախը: Իր հերթական ապօրինի գործողությունների մասին նա նախ գրում է ֆեյսբուքյան իր էջում, հետո խոսում է ԱԺ-ի ամբիոնից՝ նախապես կազմակերպված հարցը գրում տալիս են ուսապարկերից մեկին: Վերջինս կմկմալով կամ սահուն հնչեցնում է հարցը, որ «առաջնորդը» իր վերաբերմունքն արտահայտի անկաշկանդ և իր ձեռքի տակ գտնվող պատժիչ ու վարկաբեկիչ մեքենան խոդ տան:
Հետո գործի է անցնում ֆեյքերի ՊՈԱԿ-ը, ՔՊ-ական ստատուսչիների խումբը … Ապա իրավապահները սրանց հրապարակումների հիման վրա սկսում են «ուսումնասիրությունները»: Դա է պատճառը, որ Փաշինյանը ԱԺ ամբիոնից հանկարծ «հիշեց», որ Գյումրիում ընտրակաշառք են բաժանել, ՔՊ-ականները «հիշեցին» Վարդան Ղուկասյանի հայտարարությունը Ռուսաստան- Բելառուս միությանը միանալու մասին: Պատժիչ մեքենան էլ սկսեց «աշխատել»:
Չէ որ Փաշինյանն արդեն բառացիորեն հայտարարել է, որ Ղուկասյանը պետք է դուրս շպրտվի ոչ միայն Գյումրու քաղաքապետարանից, այլև հասարակական կյանքից։
Բայց Ղուկասյանին դուրս շպրտելն այդքան հեշտ բան չէ, ուստի նա ստիպված խոսում է նախ ԱԺ-ի ամբիոնից՝ փորձելով շոշափել հանրության տրամադրությունները և իր լսարանին պատրաստել նոր գրոհներ կազմակերպելուն, որպեսզի մի գեղեցիկ օր՝ մինչև 2026 թվականի ընտրությունները, Նիկոլի իրավապահ համակարգը գնա Ղուկասյանի հետևից։ Եվ իրենց վերարտադրության համար մի խոսչընդոտ վերացնեն:
Բաց մի թողեք
«Կույր կետեր». Մայիսյան անօդաչու թռչող սարքերի մասին տագնապը ընդգծում է լիտվացիների համար օդային հարձակման ապաստարանների վատ հասանելիությունը
Ալբանիայում շարունակվում են Թրամփի ընտանիքի հետ կապված հանգստավայրի դեմ բողոքի ցույցերը
Մագյարը պնդում է, որ Ուկրաինայի հետ կնքված փոքրամասնությունների իրավունքների վերաբերյալ համաձայնագիրը կվերացնի ԵՄ անդամակցության վետոն