Իսրայելի պաշտպանության բանակը (ՑԱԽԱԼ) ավարտել է Իրանում ռազմական թիրախների ուղղությամբ հարվածների շարքը՝ գրոհելով զենքի և բալիստիկ հրթիռների արտադրության օբյեկտները։
Այս մասին հայտնում է բանակի մամուլի ծառայությունը։
«Որոշ ժամանակ առաջ իսրայելական ՌՕՈւ-ն, առաջնորդվելով ճշգրիտ հետախուզական տվյալներով, հարվածներ է հասցնել իրանական վարչակարգին պատկանող թիրախներին Թեհրանում և Իրանի կենտրոնական մասում՝ Սպահանում։ Իրանի ողջ տարածքում հասցված հարվածների ընթացքում ՑԱԽԱԼ-ի ուժերը գրոհել են արդյունաբերական օբյեկտները, որոնք իրանական վարչակարգն օգտագործում է զենքի, մասնավորապես՝ բալիստիկ հրթիռների արտադրության համար, որոնք սպառնալիք են ներկայացնում Իսրայել Պետության գոյության համար»,-ասված է հաղորդագրության մեջ։
***
Պակիստանը դիմել է Իրանին՝ կոչ անելով զերծ մնալ Սաուդյան Արաբիայի դեմ ռազմական գործողություններից։ Այս մասին հայտարարել է Պակիստանի փոխվարչապետ և արտաքին գործերի նախարար Իսհակ Դարը, հայտնում է Ary News-ը։
«Փոխվարչապետը հայտարարել է, որ Պակիստանի և Սաուդյան Արաբիայի միջև պաշտպանության ոլորտում առկա է համաձայնագիր։ Պակիստանը կապ է հաստատել Իրանի հետ և խնդրել նրան չհարձակվել Սաուդյան Արաբիայի վրա», — ասված է հաղորդագրության մեջ։
Ըստ Պակիստանի ԱԳՆ ղեկավարի՝ բանակցություններն ընթացել են հետևյալ տրամաբանությամբ.
Թեհրանն իր հերթին երաշխիքներ է պահանջել, որ Սաուդյան Արաբիայի տարածքը չի օգտագործվի իր դեմ (ամերիկա-իսրայելական հարվածների համար)։ Հաղորդվում է, որ Պակիստանի միջնորդությամբ Սաուդյան Արաբիան տրամադրել է անհրաժեշտ երաշխիքները։
Նշենք, որ Իրանի ԻՀՊԿ հրամանատարությունը սպառնացել էր հարվածել տարածաշրջանի «բոլոր տնտեսական կենտրոններին», եթե իրենց երկրի դեմ հարձակումները շարունակվեն։ Պակիստանի միջամտությունը կրիտիկական է, քանի որ Իսլամաբադը պարտավորված է պաշտպանել Սաուդյան Արաբիան պաշտպանական պայմանագրով։ Պակիստանը փորձում է կանխել լայնամասշտաբ սուննի-շիա բախումը, որը կարող է բռնկվել Իրանի շուրջ ստեղծված ճգնաժամի պատճառով։
***
Մեծ Բրիտանիան ծրագրում է HMS Duncan էսկադրային ականակիրն ուղարկել Միջերկրական ծով՝ Իրանի հարձակումներից հետո Կիպրոսում գտնվող իր «Ակրոտիրի» ռազմաբազան պաշտպանելու համար։
Այս մասին հայտնում է The Times պարբերականը՝ հղում անելով իր աղբյուրներին։
«Մեծ Բրիտանիայի պաշտպանության նախարար Ջոն Հիլին հանդիպում է անցկացրել բարձրաստիճան զինվորականների հետ, որի ընթացքում քննարկվել է HMS Duncan նավն այս տարածաշրջան ուղարկելու հարցը», — պատմել են պարբերականի զրուցակիցները։
Մարտի 2-ին Կիպրոսի իշխանությունները և Մեծ Բրիտանիայի պաշտպանության նախարարությունը հայտնեցին, որ Կիպրոսում գտնվող բրիտանական Ռազմաօդային ուժերի (ՌՕՈւ) բազան ենթարկվել է անօդաչու թռչող սարքերի (ԱԹՍ) ենթադրյալ հարձակման։ Հաղորդվել է «Ակրոտիրիի» շրջանում որոտացած հզոր պայթյունի մասին: Բազայում միացել է տագնապի ազդանշանը, իսկ ինքնաթիռները շտապ օդ են բարձրացել՝ հնարավոր նոր հարվածներից խուսափելու և օդային տարածքը հսկելու համար։
HMS Duncan-ի առաքելության մասին
HMS Duncan-ը հագեցած է ժամանակակից հակաօդային պաշտպանության համակարգերով և համարվում է բրիտանական նավատորմի ամենահզոր նավերից մեկը։ Դրա տեղակայումը Միջերկրական ծովի արևելյան հատվածում նպատակ ունի ստեղծել պաշտպանական վահան Կիպրոսի բազաների շուրջ, որոնք ռազմավարական նշանակություն ունեն Մերձավոր Արևելքում իրականացվող գործողությունների համար
Բաց մի թողեք
Թեհրանը խոստանում է հարվածել եվրոպական երկրներին, եթե նրանք միանան Իրանի դեմ պատերազմին
Սպանել են այն առաջնորդներին, որոնց ԱՄՆ-ն համարում էր Իրանում գերագույն առաջնորդի հավանական իրավահաջորդ. Թրամփ
ԱՄՆ-ն սպառնում է դադարեցնել առևտուրը Իսպանիայի հետ