Կուսակցական հանդիպման ժամանակ գործարար և քաղաքական գործիչ Սամվել Կարապետյանը ներկայացրել է իր թիմի տնտեսական ծրագրերի հիմնական ուղղությունները՝ նշելով, որ վերջին երկու ամիսների ընթացքում քննարկվել են մի շարք նախաձեռնություններ։
Նրա խոսքով՝ ծրագրերում ներառված են շուրջ 300 հազար նոր աշխատատեղերի ստեղծում, զբոսաշրջության ոլորտում մոտ մեկ միլիարդ դոլարի ներդրումների ներգրավում, ինչպես նաև փոքր բիզնեսի համար հարկային և ստուգումների բեռի նվազեցում։
Միաժամանակ նա նշել է, որ իրենց գնահատմամբ առկա է նաև լուրջ քաղաքական խնդիր։ Կարապետյանի խոսքով՝ եթե հնարավոր չլինի կանխել Հայաստանի տարածքում իր բնորոշմամբ որոշակի քաղաքական ծրագրերի իրականացումը, որոնք նա կապում է վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ, ապա դա կարող է ազդել երկրի տնտեսական ծրագրերի իրագործման վրա։
Նա նաև հայտարարել է, որ իշխանության գալու դեպքում նախատեսում են առաջին կառավարության նիստերից մեկում ընդունել նախաձեռնություն, որը անվանել է «Սաֆարովի կանխարգելման օրենք»՝ նպատակ ունենալով սահմանափակել Ադրբեջանի քաղաքացիների կողմից Հայաստանում անշարժ գույք ձեռք բերելու հնարավորությունը։
Բաց մի թողեք
Փաշինյանի իշխանությունը հասկացել է, որ կորցնում է իշխանությունը, զանգվածային ձերբակալություններ է սկսել
Ռուբեն Վարդանյանը դիմել է Նիկոլ Փաշինյանին. «Ձեզ մեծ պատիժ է սպասում»
Ադրբեջանցիները ոչ միայն չեն հեռացել, այլ անկլավների հարցեր էլ կան. Գոհար Մելոյան