Հայաստանի տարբեր մարզերում և Երևանում գտնվող 13 պատմամշակութային օբյեկտ պաշտոնապես ներառվել է անշարժ պատմության և մշակույթի հուշարձանների շարքում։
Նոր կարգավիճակ ստացած կառույցների և հնագիտական վայրերի թվում են հանրապետական նշանակության մի շարք արժեքավոր օբյեկտներ։ Դրանցից են Արագածոտնի մարզի Աղձք գյուղում գտնվող 5–7-րդ դարերի կոթողը, Շիրակի մարզի Զույգաղբյուր գյուղի՝ մ.թ.ա. 2–1-ին հազարամյակներին վերագրվող դամբարանադաշտը։
Հուշարձանների ցանկում ընդգրկվել են նաև Գեղարքունիքի մարզի Ջաղացաձոր գյուղի 9–18-րդ դարերի գերեզմանոցը և նույն տարածքում պահպանված 9–14-րդ դարերի չորս խաչքարերը։
Նոր կարգավիճակը հնարավորություն կտա այս պատմամշակութային արժեքները ներառել պետական պահպանության ենթակա հուշարձանների համակարգում՝ ընդգծելով դրանց պատմական և մշակութային նշանակությունը։
Բաց մի թողեք
Բռնցքամարտի Եվրոպայի առաջնությանը Հայաստանը կմասնակցի 13 մարզիկով
Ներսես Ավետիսյանն ամուսնալուծվել է. Լուսանկար
Եվրոպական միությունը՝ ԼՂ-ից տեղահանվածների իրավունքների կողքին. Լուսանկար