Օրերս Նոր Խարբերդի մանկատանը երեխային դաժան ծեծի ենթարկած դայակը հայտնաբերվել և ձերբակալվել է։ Տեղեկությունը հայտնեց ՆԳՆ մամուլի քարտուղար Նարեկ Սարգսյանը։
«Ոստիկաններն օպերատիվ տեղեկություն են ստացել դեպքի մասին և, համագործակցելով մանկատան ղեկավարության հետ, բացահայտել են այն, հայտնաբերել նշված անձին, ձերբակալել և ներկայացրել քննչական բաժին։ Նախաձեռնվել է քրեական վարույթ, այս պահին անձը գտնվում է տնային կալանքի տակ»,– տեղեկացրեց Սարգսյանը։
Նա ավելացրեց, որ դեպքի մասին օպերատիվ տեղեկությունը ստացվել է օգոստոսի 13–ին։
Դեպքից հետո դայակն աշխատանքից ազատվել էր։ Երեխան ունի հաշմանդամություն։ ՀՀ աշխատանքի և բարեկեցության նախարարության փոխանցմամբ՝ ներկայումս նրա առողջական վիճակը լավ է, և նա շարունակում է անհրաժեշտ խնամք ստանալ մասնագիտացված մանկատանը:
Բաց մի թողեք
Ամուսնու գործողությունների հետևանքով կինը բացել է մեքենայի դուռը և դուրս նետվել, ինչի հետևանքով կյանքից հեռացել է. Լուսանկար
Դատարանը վերացրեց ժամային սահմանափակումները
Ձկնաբուծարանները ապօրինի ջրօգտագործման վերաբերյալ քրեական վարույթով վերականգնել են 18.5 մլն դրամի վնասը