«Ինչպես հայտնի է, Պետական վերահսկողական ծառայության ղեկավարի տեղակալ Ռոբերտ Բազիկյանն այժմ նաև Պետական վերահսկողական ծառայության ղեկավարի ժամանակավոր պաշտոնակատարն է։
«Ժողովուրդ» օրաթերթը ուսումնասիրել է, թե ո՞վ է նա և ի՞նչ ունեցվածք ունի։
Ռոբերտ Բազիկյանը Պետական վերահսկողական ծառայության ղեկավարի տեղակալի պաշտոնը զբաղեցնում է 2021 թվականի դեկտեմբերի 20-ից։ Մինչ այդ նա երկար տարիներ աշխատել է ՀՀ ազգային անվտանգության ծառայությունում։
2001-2011 թվականներին Բազիկյանը զբաղեցրել է ՀՀ ազգային անվտանգության ծառայության Երևանի քաղաքային վարչության բաժնի օպերլիազորի, ավագ օպերլիազորի, պետի տեղակալի և բաժնի պետի պաշտոնները։ 2011-2019 թվականներին եղել է ՀՀ ԱԱԾ Կոտայքի մարզային վարչության պետը, իսկ 2019-2020 թվականներին՝ ՀՀ ԱԱԾ տնօրենի տեղակալը։ 2020-2021 թվականներին աշխատել է «Հայկական ատոմային էլեկտրակայան» ՓԲԸ-ում՝ որպես գլխավոր տնօրենի խորհրդական։
Ըստ Բազիկյանի՝ 2025 թվականի հայտարարագրի՝ անցած տարվա ընթացքում նա ունեցել է ընդհանուր 35 մլն 110 հազար 919 դրամ եկամուտ։ Դրանից 19 մլն 34 հազար 15 դրամը կազմել է Պետական վերահսկողական ծառայությունից ստացած աշխատավարձը և դրան հավասարեցված այլ վճարումները։ 1 մլն 598 հազար 299 դրամ ստացել է եկամտային հարկի վերադարձից, 3 մլն 170 հազար դրամ՝ գյուղատնտեսական գործունեությունից, իսկ 2 մլն 565 հազար դրամ՝ կենսաթոշակից։
Բացի այդ, Բազիկյանը 2025 թվականին ստացել է երեք վարկ՝ համապատասխանաբար 2 մլն, 5 մլն և 1 մլն 743 հազար 605 դրամի չափով։
Պաշտոնյան հայտարարագրել է անշարժ գույքի 5 միավոր։ Դրանցից երկուսը Արարատի մարզի Լուսաշող և Դաշտաքար բնակավայրերում գտնվող հողամասեր են, մեկ այլ գույք Երևանի Նոր Նորք վարչական շրջանում գտնվող անհատական բնակելի տունն է՝ տնտեսական շինություններով։ Դաշտաքարում Բազիկյանը նաև ունի բազմամյա տնկի և հողամաս։ Նշված գույքը ձեռք է բերվել 2000-2017 թվականներին՝ այդ թվում՝ նվիրատվության և գնման եղանակներով։ 2025 թվականին նոր անշարժ գույք չի ձեռք բերել և որևէ գույք չի օտարել։
Բազիկյանը տրանսպորտային միջոց չի հայտարարագրել։ Նրա հայտարարագրում չկան նաև արժեթղթեր, ներդրումներ, բանկային ավանդներ կամ 4 մլն դրամը գերազանցող արժեք ունեցող գույք։
2025 թվականի սկզբին նրա երեք բանկային հաշիվներում առկա է եղել ընդհանուր 637 հազար 886.08 դրամ, իսկ տարեվերջին՝ 150 հազար 696.30 դրամ։ Կանխիկ դրամական միջոցները, սակայն, ավելացել են։ Տարվա սկզբին Բազիկյանը հայտարարագրել էր 3 մլն դրամ կանխիկ գումար, իսկ տարվա վերջի դրությամբ՝ 5 մլն դրամ։
Տարվա վերջում նրա վարկային պարտավորությունների մայր գումարի մնացորդը կազմել է ընդհանուր 26 մլն 366 հազար 582.8 դրամ։ Միաժամանակ, 2025 թվականին վարկերի մարմանն ուղղված վճարումները կազմել են 8 մլն 329 հազար 294 դրամ։
Բազիկյանը 2025 թվականի ընթացքում չի հայտարարագրել 2 մլն դրամը գերազանցող այլ միանվագ ծախսեր, ճանապարհածախս և հյուրանոցային ծախսեր, վարձակալության, կրթության կամ վերանորոգման ծախսեր»։
Բաց մի թողեք
Սյունիքի զորամասերում ողբերգական դեպքերից հետո պաշտոնանկություններ են սպասվում
Ծավի սնդիկով ջրի առեղծվածը խորանում է․ Քննչականը հանք է հայտնաբերել
ՊԵԿ-ը մտել է բենզինի շուկա․ խոշոր տուգանքներ են սպասվում