Ողբերգական վթար՝ Ուշիի ոլորաններում․ ո՞վ է մեղավորը․ Լուսանկար

Ուշիի ոլորաններում ողբերգական ավտովթարի զոհերի թիվը հասել է 9-ի։ Նոյեմբորի 3-ին` ժամը 21։10-ի սահմաններում, Երևան-Վանաձոր ավտոճանապարհին` Ուշիի ոլորաններում, բախվել են «Jeep Compass», «Opel Zafira», «Chevrolet Volt» մակնիշների ավտոմեքենաները և կցորդիչով բեռնատարը։

Վթարի հետևանքով 8 մարդ տեղում մահացել էր, ևս 3-ին տարբեր աստիճանի մարմնական վնասվածքներով տեղափոխել են «Արմենիա» բժշկական կենտրոն, իսկ այսօր հայտնի դարձավ, որ զոհերի թիվը հասել է 9-ի։

Բացառիկ տեղեկություններով՝ վթարի մեղավորը, նախնական, եղել է բեռնատարի վարորդը։ Նրա մեքենայի արգելակները ոլորաններում ներքև իջնելիս չեն ենթարկվել։

Ինչպես արդեն հայտնել ենք, երեկ ողբերգական դեպք է տեղի ունեցել Երեւան-Վանաձոր ավտոճանապարհի Ուշիի ոլորաններում։ Ժամը 21։10-ի սահմաններում միմյանց են բախվել «Jeep Compass» մակնիշի, «Opel Zafira» մակնիշի, «Chevrolet Volt» մակնիշի ավտոմեքենաները և կցորդիչով բեռնատարը։

Մեզ հետ զրույցում դեպքի վայրում հավաքվածները պատմեցին, որ նախնական տվյալներով վթարի պատճառը եղել է բեռնատար մեքենան, որը դուրս է եկել հանդիպակած գոտի։

Վթարի հետեւանքով բեռնատար ֆուռը եւ Opel մակնիշի ավտոմեքենան դուրս են եկել ճանապարհի երթեւեկելի մասից, բեռնատարը գլխիվայր շրջվել է։

Հիշեցնենք, որ վթարի հետեւանքով 8 մարդ տեղում մահացել էր, 3-ը` վիրավորվել։ Վիրավորներից մեկի վիճակը գնահատվում էր ծայրահեղ ծանր։ Վերջինս գիշերը մահացել է։