Կառավարության նոյեմբերի 5-ի նիստում ընդունվել է 6 և ավելի անչափահաս երեխա ունեցող ընտանիքների բնակարանային ապահովման պետական աջակցության ծրագրի նախագիծը։
Ծրագրի համաձայն՝ 2027 թվականի հուլիսի 1-ի դրությամբ 6 և ավելի անչափահաս երեխա ունեցող ընտանիքներին յուրաքանչյուր երեխայի հաշվով կտրամադրվի 4 մլն դրամի հավաստագիր։ Այն հնարավոր կլինի օգտագործել հիփոթեքային վարկավորման միջոցով բնակարան ձեռք բերելու կամ տուն կառուցելու նպատակով։
Եթե ընտանիքը որոշի տուն կառուցել գյուղական բնակավայրում, ապա լրացուցիչ կտրամադրվի ևս 4 մլն դրամ։ Այդ գումարը հնարավոր կլինի օգտագործել հողամաս ձեռք բերելու, հողամասի մշակման, կենցաղային տեխնիկայի և կահույքի գնման համար։
Ծրագրից օգտվելու համար նախատեսված են նաև որոշակի սահմանափակումներ։ Մասնավորապես, ընտանիքի՝ 2026 թվականի եկամուտների հայտարարագրով ներկայացված եկամուտները չպետք է գերազանցեն 10 մլն դրամը։ Կստուգվի նաև ընտանիքին պատկանող անշարժ գույքի առկայությունը։
Նույն շահառուն չի կարող միաժամանակ օգտվել բնակարանային ապահովման մեկ այլ պետական ծրագրից։
Բաց մի թողեք
«Տապակա» ռեստորանի մոտ կայանելու պատճառով վիճաբանություն է եղել, պայքարում են աշխատակցի կյանքի համար. Լուսանկար
Ողբերգական վթար, Ագարակ-Աշտարակ երթուղու «JAC» միկրոավտոբուսը բախվել է հողաթմբին և կողաշրջվել. Լուսանկար
Պարզվել է Ուշիի ոլորաններում ողբերգական վթարի հետևանքով տուժածների ինքնությունը