ԵՄ-ն պառակտվում է՝ վիճելով, թե ով պետք է բանակցի Պուտինի հետ

Լեհաստանն առաջարկում է Կոշտային, Կալլասին և Բըրնհեմին՝ որպես Եվրոպայի հնարավոր բանակցողներ: Քիչ նշաններ կան, որ Վլադիմիր Պուտինը ցանկանում է Եվրոպայի հետ քննարկել իր սանձազերծած պատերազմի ավարտը։

Ներկա դրությամբ՝ հաջորդ շաբաթ Աբու Դաբիում ԱՄՆ-ի միջնորդությամբ Ռուսաստանի և Ուկրաինայի միջև կայանալիք բանակցություններն անցնելու են առանց եվրոպական կողմի մասնակցության։

Որևէ բեկումնային արդյունքի ակնկալիքները գրեթե զրոյական են, սակայն դա չի խանգարել ԵՄ անդամ երկրներին՝ հյուսիսից, հարավից, արևելքից և արևմուտքից, վիճաբանության մեջ մտնել այն հարցի շուրջ, թե ով պետք է ներկայացնի Եվրոպան։

Իտալիայի վարչապետ Ջորջիա Մելոնին նոր լարվածություն մտցրեց վաղուց ընթացող բանավեճի մեջ՝ հինգշաբթի օրը դժգոհելով, որ Եվրոպան «տպավորություն է ստեղծում, թե շարժվում է տարբեր ուղղություններով»։

Եվրոպական խորհրդի նախագահ Անտոնիու Կոշտային ուղղված նամակում նա պնդել է, որ ԵՄ 27 երկրների ղեկավարները պետք է մինչև տարեվերջ համաձայնության գան մեկ միասնական ներկայացուցչի շուրջ։

Դիվանագիտական ​​տարբեր ձևաչափեր՝ E2, E3, E5 կամ CoW («Կամավորների կոալիցիա»), պայքարում են Ուկրաինայի ապագայի շուրջ բանակցություններում առաջատար դիրք գրավելու համար։

Մելոնին, ով հաջորդ տարի կանգնելու է ընտրողների դատին, վաղուց է դժգոհում այսպես կոչված «E3» ձևաչափի (Մեծ Բրիտանիա, Ֆրանսիա և Գերմանիա) ինքնավստահությունից։ Վերջիններս փորձում են ներկայացնել եվրոպական շահերը պատերազմի ավարտի հարցում և որոշել մայրցամաքի ապագա անվտանգային ճարտարապետությունը։

«Եթե Ֆրանսիան, Գերմանիան և Մեծ Բրիտանիան «Խոսքը Իտալիային բուն իմաստով դուրս թողնելու մասին չէ, սակայն Հռոմում հստակ զգում են, որ իրենք նույնպես պետք է տեղ ունենան բանակցային սեղանի շուրջ»։

Լեհաստանի դիրքորոշումը

Մելոնին վայելում է Լեհաստանի աջակցությունը․ վերջինս ևս հզոր ռազմական ուժ է և ԵՄ-ի միակ խոշոր երկիրը (Իտալիայից բացի), որը սահմանակցում է Ուկրաինային։ Մինչդեռ նրա գործընկեր Դոնալդ Տուսկն ավելի զուսպ է արտահայտվել բարձր մակարդակի քննարկումներին մասնակցելու ցանկության վերաբերյալ։

«Ինչպես գիտեք, մենք բազմաթիվ ձևաչափեր ունենք, — հինգշաբթի Վարշավայում լրագրողներին ասաց Տուսկը։ — Որպես ԵՄ, որպես «Կամավորների կոալիցիա»՝ մենք հստակ դիրքորոշում ունենք։ Ես լիովին ներգրավված եմ այդ գործընթացներում»։

Սակայն նրա արտաքին գործերի նախարար Ռադոսլավ Սիկորսկին ավելի ուղղակի արտահայտվեց։ «Մենք ամենից քիչ կցանկանանք, որ Արևմտյան Եվրոպան Ռուսաստանի հետ գործարքների մեջ մտնի՝ շրջանցելով արևելաեվրոպացիներին», — ասաց նա՝ ակնարկելով 1930-ական թվականների իրադարձությունները և 1945 թվականի Յալթայի համաձայնագրից հետո հաստատված «Երկաթե վարագույրը»։

«Չի կարելի Արևելյան Եվրոպային և Սկանդինավիան դուրս թողնել քննարկումներից։ Մենք մոտ 120 միլիոն մարդ ենք։ Ֆինլանդիան, Նորվեգիան, Մերձբալթյան երկրները սահմանակցում են Ռուսաստանին, իսկ Լեհաստանը սահմանակցում է և՛ Ռուսաստանին, և՛ Ուկրաինային»։

Բեռլինը պնդում է, որ E3 ձևաչափն ամենատրամաբանականն է, քանի որ Գերմանիան, Ֆրանսիան և Մեծ Բրիտանիան երեք ամենահզոր ռազմական ուժերն են, որոնք երաշխավորելու են Ուկրաինայի անվտանգությանն առնչվող ապագա ցանկացած պարտավորություն։

Իտալիայի նման՝ Լեհաստանը նույնպես կողմ է E5 ձևաչափին, որը թույլ կտա Վարշավային և Հռոմին մասնակցել գործընթացին։ Սակայն Սիկորսկին առաջարկեց նաև առաջնորդների մեկ այլ կազմ, որոնք կարող են բանակցել Պուտինի հետ․ Անտոնիո Կոշտա, Կայա Կալլաս (ԵՄ արտաքին քաղաքականության ղեկավար) և Մեծ Բրիտանիայի վարչապետ Էնդի Բյուրնհեմ։

Սիկորսկու խոսքով՝ Կոշտա-Կալլաս զույգն ունի իրավական մանդատ՝ ԵՄ պայմանագրերի հիման վրա ներկայաց ՆԱՏՕ-ն անցկացնում է երկրորդ բրյուսելյան բանակցությունները Ուկրաինայի անվտանգության երաշխիքների վերաբերյալ:

ՆԱՏՕ-ն անցկացնում է երկրորդ բրյուսելյան բանակցությունները Ուկրաինայի անվտանգության երաշխիքների վերաբերյալ

ԵՄ-ի անհամաձայնություն

Մելոնին միայնակ չէ, որ ընդգծում է ԵՄ դիրքորոշման մեջ առկա տարաձայնությունները: Անցյալ շաբաթ Դանիայի վարչապետ և Եվրոպական խորհրդում Մելոնիի մտերիմ դաշնակից Մետտե Ֆրեդերիկսենը կասկածի տակ է դրել Ֆինլանդիայի և Նորվեգիայի առաջնորդների կողմից Պուտինին ուղղված զանգը՝ հարցնելով, թե իրականում ինչի են նրանք հույս ունենում հասնել

Ֆինլանդիայի նախագահ Ալեքսանդր Ստուբը և Նորվեգիայի վարչապետ Յոնաս Գահր Ստյորեն պաշտպանել են զրույցը որպես օգտակար քայլ, որը լիովին համակարգված է եղել Կիևի հետ:

ԵՄ պաշտոնյայի խոսքով՝ զույգը «շատ ուրախ» կլիներ քննարկել Ուկրաինայի հարցով հատուկ դեսպանորդ գտնելու հարցը: Սակայն անձը պնդել է, որ զանգը «փորձ չէր» Ստուբին և Ստյորեն այդ պաշտոնում դնելու համար:

Ամեն դեպքում, քանի որ եվրոպացիները շտապում են գտնել Ուկրաինային ֆինանսավորելու նոր եղանակներ, քիչ հավանական է, որ պատերազմը կդադարի այս ձմռանը:

«Խաղաղ բանակցությունների հարցում պետք է իրատես լինենք, — ասաց Դոնալդ Տուսկը։ — Եվ պետք է շատ զգույշ լինենք, երբ խոսքը վերաբերում է Ռուսաստանի իրական մտադրություններին։ Ձմռանը Պուտինը կարող է ավելի քիչ շահագրգռվածություն ունենալ՝ համաձայնության գալու համար»։