Եվրահանձնաժողովի նախագահ Ուրսուլա ֆոն դեր Լայենը հայտարարել է, որ Եվրամիությունը Ուկրաինային կհատկացնի լրացուցիչ 3.3 միլիարդ եվրո հրթիռներ և անօդաչու թռչող սարքեր գնելու համար, ինչպես նաև պատրաստվում է մեկնարկել համատեղ պաշտպանական նախագծերի նոր ծրագիր։
Նրա խոսքով՝ զենքի ձեռքբերման համար նախատեսված միջոցները Ուկրաինային կփոխանցվեն ուրբաթ՝ սեպտեմբերի 18-ին։
Ֆոն դեր Լեյենը նաև հայտարարել է SAFE մեխանիզմի մնացած միջոցներն օգտագործելու իր պատրաստակամության մասին՝ ԵՄ-ի և Ուկրաինայի միջև համատեղ պաշտպանական նախագծերի նոր ծրագիր մեկնարկելու համար։ Նախաձեռնության նպատակն է համատեղել Ուկրաինայի մարտական փորձը Եվրոպայի արդյունաբերական ներուժի հետ։
«Անցյալ շաբաթ մենք հաստատեցինք ԵՄ-ի կողմից Patriot համակարգերի ֆինանսավորումը՝ որպես մեր Ուկրաինայի աջակցության վարկի մաս։ Սակայն պարզ է, որ ավելին է անհրաժեշտ։ Մենք ցանկանում ենք համատեղ մշակել եվրոպական օդային և հրթիռային պաշտպանության համակարգ՝ հիմնվելով մեր համատեղ Freya հակահրթիռային համակարգի վրա։ Սա մեզ թույլ կտա համատեղել Ուկրաինայի մարտական փորձը և նորարարությունը եվրոպական տեխնոլոգիաների և արդյունաբերական ներուժի հետ»,- պարզաբանել է Ուրսուլա ֆոն դեր Լայենը։
Բաց մի թողեք
Լեհաստանի վարչապետ Դոնալդ Տուսկը կժամանի Ուկրաինա
Ավստրալիան և Նոր Զելանդիան կարող են հետևել Կանադայի օրինակին՝ դառնալով ԵՄ ասոցացված անդամներ. Մեցոլա
Ասոցացված անդամակցություն․ ողջունելի քայլ Կանադայի համար, բայց անընդունելի տարբերակ՝ Ուկրաինայի համար