Իրավապահները աչք են փակում գողության դեպքերի վրա։ «Սմոք Հաուս» ընկերության 6 տարբեր խանութներից տարբեր ժամանակահատվածներում նույն անձը բազմակի գողություն է կատարել` պատճառելով տնտեսվարողին 15 միլիոն դրամի վնաս։ Գողության փաստով իրավապահները արձանագրություն են կազմել, գողին՝ բաց թողել։
Փաստաբան Ռոման Երիցյանը հայտնում է, որ գողության 3 դրվագի հիման վրա նախաձեռնվել են 3 տարբեր քրեական վարույթներ։ Մեկ վարույթի շրջանակում անձն անգամ ձերբակալվել է, սակայն անհասկանալի պատճառներով ազատ է արձակվել։ 4-րդ դրվագով գողություն կատարվելուց հետո սեփականատերն ահազանգել է ոստիկանությանն ու քննիչներին։
Ոստիկանության Նոր Նորքի բաժնից 2 ժամ հետո զանգել, ասել են՝ եկեք հաղորդում տվեք, քննչականի քննիչներից մեկը (Աբովյանի քննիչներից ոմն Մարիամ) ասել է՝ երկուշաբթի մի բան կանեմ, մյուսը (Արաբկիրի բաժնի քննիչներից ոմն Արմինե) 10 օրով արձակուրդ է գնացել, վերադարձից հետո խոստանալով կզբաղվի, իսկ երրորդն էլ (Մաշտոցի բաժնի քննիչներից ոմն Դավիթ) ասել է՝ իմ վարույթով ես իրեն դեռ մեղադրանք չեմ առաջադրել։
Ցուցաբերված անլրջության պատճառով գողությունը կրկնվել է։ Ինչպես «Հրապարակ»-ին պատմում է խանութի սեփականատերը՝ գողացվածը բացառապես «Իգնայթ» տեսակի էլեկրական ծխախոտ է։ Վերջին 1 ամսա ընթացքում 4 գողություն է կատարվել, 2 գողության փորձ՝ նույն անձի կատարմամբ։
Ներքին գործերի նախարարությունը բացահայտել է էլեկտրական ծխախոտների գողությունները, մեկ անձ ձերբակալվել եւ ներկայացվել է քննչական կոմիտե։ Ավելի վաղ քննչականից հայտնել էին, որ Էլեկտրական ծխախոտներ հափշտակելու դեպքի առթիվ նախաձեռնվել են մի քանի քրեական վարույթներ: Ընկերությունը տուժող է ճանաչվել: 1 անձի նկատմամբ հարուցվել է հանրային քրեական հետապնդում։ Տեսանյութերով անձի ինքնությունը պարզ երեւում է, սակայն իրավապահները նրան կալանավորել չեն ցանկանում։
Բաց մի թողեք
Երևանում օտարերկրացին գողացել է «Այլոնկա» կենտրոնի տնօրենի պայուսակը, որում եղել են 1,5 մլն դրամ գումար, քարտեր
Արտակարգ դեպք՝ Կոտայքում, «Սան Ռայս» հյուրատան հավաքարարը` 11-ամյա որդուն կողքին նստեցրած, «Jeep»-ից կրակnցներ է արձակել
Արաբկիրի ոստիկանները բացահայտել են գողության դեպք․ հայտնաբերվել են մեքենայի հայելու 21 զույգ ապակիներ