Ռուսական պատվիրակության ղեկավար, Ռուսաստանի նախագահի օգնական Վլադիմիր Մեդինսկին խոսել է ուկրաինական պատվիրակության հետ Ստամբուլում հունիսի 2-ին կայացած բանակցությունների երկրորդ փուլի արդյունքների մասին։
Մասնավորապես, Ռուսաստանը ուկրաինական կողմին առաջարկել է մի քանի օրով հրադադար՝ ռազմաճակատի որոշակի հատվածներում զինծառայողների դիակները որոնելու համար։
ՏԱՍՍ-ը հավաքել է բանակցություններից հետո ուկրաինական կարգավորման վերաբերյալ հիմնական կետերը։
Զոհվածների և վիրավորների փոխանակում
Ռուսաստանը և Ուկրաինան կազմակերպելու են բժշկական հանձնաժողովներ ծանր վիրավորված զինվորների փոխանակման համար, փոխանակումները կլինեն կանոնավոր։
Ռուսաստանի զինված ուժերը առաջ են շարժվում, ուստի մարտադաշտում ուկրաինացի զինվորականների շրջանում ավելի շատ զոհեր կան։
Մարմինները կտեղափոխվեն Ուկրաինա հաջորդ շաբաթ։
Ռուսաստանը և Ուկրաինան կփոխանակեն ծանր հիվանդներին և վիրավորներին «բոլորը բոլորի դիմաց» սկզբունքով։
Ռուսաստանը միակողմանիորեն Ուկրաինային է փոխանցելու զինծառայողների 6 հազար սառեցված մարմին։
Հրադադարի մասին
Ռուսաստանը Ուկրաինային առաջարկել է երկու-երեք օրով հրադադար ռազմաճակատի որոշակի հատվածներում։
Ռուսաստանի հուշագրի երկրորդ մասում առաջարկվում են հրադադարի մի շարք եղանակներ։
Ուկրաինան կաշխատի Ռուսաստանի Դաշնության կողմից հրադադարի առաջարկի վրա։
Ավելի վաղ հայտնել էինք, որ Ստամբուլում տեղի էր ունեցել Ռուսաստանի և Ուկրաինայի ներկայացուցիչների ուղիղ բանակցությունների երկրորդ փուլը։
Բաց մի թողեք
Ուկրաինան գրոհել է Իժևսկը, զոհեր և ավերածություններ կան
Եկատերինբուրգում ուժայինների «ռեյդ»-ի ժամանակ մահացած եղբայրների մարմինները Բաքու են տեղափոխվել. ինչ է հայտնի. Լուսանկար
«Ամերիկայի կուսակցություն», «վերադարձ Հարավային Աֆրիկա»․ Մասկն ու Թրամփը նորից հեռակա բանավիճել են