Կառավարության շենքում քիչ առաջ ավարտվել է Տավուշի մարզի Կիրանց համայնքի բնակիչների հանդիպումը ՀՀ վարչապետ Նիկոլ Փաշինյանի հետ:
Հանդիպումը տևել է շուրջ 2 ժամ:
«Լուրեր»-ի թղթակցի փոխանմամբ, շենքից դուրս գալով բնակիչները մի քանի րոպե զրուցել են համայնքապետի հետ. այդ ընթացքում լրագրողներին չի թույլատրվել մոտենալ նրանց:
Որոշ ժամանակ անց բոլորը, այդ թվում՝ Կիրանցի վարչական ղեկավար Կամո Շահինյանը, հեռացել են՝ անպատասխան թողնելով լրագրողների հարցերը:
Ըստ տեղեկությունների՝ բնակիչները իրենց հուզող հարցերն են տվել և հայտնել մտահոգությունները, ինչին վարչապետը պատասխանել է, որ այդ բոլոր հարցերը Կառավարությունում քննարկման առարկա են դարձել:
Վարչապետի հիմնական ուղերձն այն է եղել, որ այդ հարցերի լուծումները կարելի է գտնել՝ միայն «տեղում աշխատելով», ակտիվորեն մասնակցելով սահմանազատման աշխատանքներին, որպեսզի որևէ հարց չլուծված չմնա, կամ խնդիրների այլընտրանքային լուծումներ չգտնվեն։
Ինչ վերաբերում է «Հայաստան» խմբակցության պատգամավոր Գեղամ Նազարյանի հայտարարություններին, նախ՝ նա հանդիպմանը ներկա չի եղել, երկրորդ՝ այն, որ սահմանը կարող է անցնել Կիրանց գյուղի կենտրոնով, սուտ է, քանի որ հանդիպմանը նման հարց չի քննարկվել։
Բաց մի թողեք
Հրապարակվել է Հայաստանի և Ադրբեջանի միջև սահմանազատման հանձնաժողովների համատեղ գործունեության կանոկակարգը
Հայաստանը ադրբեջանական կողմին է փոխանցել խաղաղության պայմանագրի 10-րդ փաթեթը. Կոստանյան
Շահագործման է հանձնվել զինվորական հերթական ճաշարանը․ Տեսանյութ