Գերմանիան, «ըստ էության, այդպես էլ դենեցաֆիկիացիա չի ունեցել»։ Այդ մասին թելեգրամյան գրառում է կատարել ՌԴ Անվտանգության խորհրդի նախագահի տեղակալ Դմիտրի Մեդվեդևը և հավելել, որ «Բարբարոսա-2»-ին Ռուսաստանի միակ արձագանքը պետք է լինի «Եվրոպային անասնական վախ ներշնչելը»։
ՌԻԱ Նովոստիի մեկնականը իր հերթին գրել է, որ «Եվրամիությունը բացահայտ խոսում է Ռուսաստանի դեմ պատերազմի պատրաստվելու մասին և թշնամիների հետ խաղերը պետք է ընկալվեն և այստեղ ընկալվում են բավական միանշանակ»։
Փոփոխվող աշխարհում Հարավային Կովկասը «ձեռք է բերում հատուկ դեր, և ավելի ճկուն գործելու Երևանի ցանկությունը լիովին բացատրելի» է, գրել է նաև և մանրամասնել, որ «նոր աշխարհակարգի ձևավորման պայմաններում հեշտ է խաղացողից հարևանների համար մրցանակ դառնալ»՝ հատկապես «հաշվի առնելով վաղեմի ջերմ՝ մինչև տաք հարաբերությունները»։
Ի վերջո, ռուսաստանցի մեկնաբանը հիշեցրել է աշխարհագրական կոորդինատների անփոփոխելիության պայմաններում «նոր աշխարհագրության» մասին Նիկոլ Փաշինյանի ձևակերպումը և ընդհանրացրել․ «Չպետք է մոռանալ, որ աշխարհագրությունը ճակատագիր է։ Չէ՞ որ ֆրանսիացիներն են այդպես ասել»։
ԵՄ-Հայաստան գագաթաժողովի վերաբերյալ Ռուսաստանի արտգործնախարարությունը և Վլադիմիր Պուտինի մամուլի քարտուղարը առ այս պահը որևէ տեսակետ չեն հայտնել։ Այս դեպքում պետական գործակալության հեղինակային հոդվածի մասին կարելի է ասել, որ «հիմնականում արտահայտում է պաշտոնական տեսակետներ»։
Արդյունքում ունենում ենք այն, որ Ռուսաստանը Եվրամիությունը ճանաչում է «Բարբարոսա-2» սպառնալիքի աղբյուր և թշնամի, որին պետք է «անասնական վախ ներշնչել», իսկ Հայաստանին, որպես «թշնամու հետ խաղացողի», սպառնալ նոր պատերազմով և հարևանների համար «մրցանակ դառնալու» աղետով։
Ընդ որում, ակնհայտ է, որ ՌԻԱ Նովոստիի հեղինակը այդ արտահայտությունը փոխառել է Ֆրանսիայի նախագահից։ Բայց Մակրոնը հակառակն է ասել: Հարավային Կովկասը չպետք է որեւէ մեկի մրցանակը լինի։
Բաց մի թողեք
Չե՞ք ամաչում, ամոթ չէ՞․ Ռուբեն Վարդանյանի հայտարարությունը
Դուք հիմա թղթի վրա ջնջում եք մի բան, որը հնարավոր չէ ջնջել իրական հողի վրա
Դատի եմ տալու ու հալյուցինացիա առաջացնող մի տոննա սունկը կերցնելու եմ. Փաշինյան