Լուռ, միայնակ բողոքի ակցիա՝ ԱՄՆ դեսպանատան դիմաց. որքա՞ն ես աչք փակելու Հայաստանում ստալինյան դարաշրջանի բռնաճնշումներին

Այսօր քաղաքացիական ակտիվիստ Սամվել Վարդանյանը իրականացրել է լուռ, միայնակ բողոքի ակցիա՝ ԱՄՆ դեսպանատան դիմաց։

Ակցիան տևել է շուրջ մեկ ժամ, որի ընթացքում Վարդանյանը ցուցադրել է  պաստառներ՝ բովանդակությամբ ուղղված Հայաստանում մարդու իրավունքների պաշտպանության և քաղաքական զարգացումների վերաբերյալ մտահոգություններին։

Ակտիվիստի խոսքով՝ ակցիան ուղղված էր քաղաքական ազատությունների սահմանափակման, ընդդիմախոսների նկատմամբ ճնշումների և միջազգային հանրության լռության դեմ։

«ԱՄՆ դեսպանատուն, որքա՞ն ես աչք փակելու Հայաստանում ստալինյան դարաշրջանի բռնաճնշումներին։ Դու համահանցակից ես։ Հայաստանում գործող ռեժիմը վայելում է ձեր հովանավորությունը»,- գրված է եղել պաստառներից մեկին: