Երևանում ամեն մի փոքր պատահարից երթևեկությունը կաթվածահար է լինում, հետևապես մայրաքաղաքում այդ անհրաժեշտությունն ամենաբարձր մակարդակում է:
Այս մասին Երևանի քաղաքապետարանի գործակարգավարական խորհրդակցության ընթացքում ասաց քաղաքապետ Տիգրան Ավինյանը՝ անդրադառնալով ճանապարհատրանսպորտային պատահարների ընթացքում մեքենաների չափից երկար երթևեկելի մասում մնալուն:
«Մեր հիմնական խնդիրը Երևանում տիրող իրավիճակն է, և եթե խնդիր կա՝ այլ բնակավայրերում նման դրույթ չնախատեսելու, մենք չենք պնդում, բայց Երևանում նման մի փոքրիկ պատահարից երթևեկությունը կաթվածահար է լինում։ Մեր գործընկերների հետ պետք է խոսել, և այս լուծումն այլընտրանք չպետք է ունենա։ Բայց խնդիրն առկա է, և խնդիրը մեր դաշտում է, և այդ խնդիրը ստեղծում է շատ լուրջ պրոբլեմներ մեր ճանապարհների վրա»,- նշեց նա:
Քաղաքապետի հանձնարարականով փոփոխություններ են իրականացվել «Ճանապարհային երթևեկության անվտանգության ապահովման մասին» օրենքում, ըստ որի՝ ճանապարհատրանսպորտային պատահարների դեպքում վթարված մեքենաները ճանապարհի երթևեկելի հատվածից պետք է հեռացվեն 15 րոպեի ընթացքում:
Բաց մի թողեք
Երևանում կասկադյորական վթարի հեղինակը ՊԵԿ նախագահի նախկին տեղակալի որդին է. Լուսանկար
«Սարգիս Կարապետյան» հիմնադրամը բացում է նոր հնարավորություն … Տեսանյութ, Լուսանկար
Եղանակային պայմանների պատճառով հետաձգվել են դեպի Հայաստան մի շարք չվերթեր