ԱՄՆ-ն անցումային շրջանում ստանձնում է Վենեսուելայի կառավարումը. Լուսանկարներ

ԱՄՆ նախագահ Դոնալդ Թրամփը հայտարարել՝ ԱՄՆ-ն անցումային շրջանում ստանձնում է Վենեսուելայի կառավարումը։ ԱՄՆ նախագահը չի հստակեցրել կառավարման ժամկետները։

ԱՄՆ նախագահը նաև հայտարարել է, որ Կարակասում ԱՄՆ-ի ռազմական գործողության նմանը չկա Երկրորդ համաշխարհային պատերազմից ի վեր:

ԱՄՆ նախագահը նշել է՝ առեւանգված Մադուրոն և նրա կինը անձամբ կզգան ամերիկյան արդարադատության ողջ հզորությունը:

Թրամփի կարծիքով՝ Մադուրոն անձամբ է ղեկավարել թմրաշրջանառությունը, որը հանգեցրել է հազարավոր ամերիկացիների մահվան:

Ռուսաստանը վճռականորեն կոչ է անում ԱՄՆ ղեկավարությանը ազատ արձակել Վենեսուելայի նախագահ Նիկոլաս Մադուրոյին և նրա կնոջը, հայտարարել է Ռուսաստանի դիվանագիտական ​​առաքելությունը։

«Հաշվի առնելով Վենեսուելայի նախագահ Նիկոլաս Մադուրոն և նրա կինը ԱՄՆ-ում գտնվելու մասին հաստատված տեղեկությունները, մենք վճռականորեն կոչ ենք անում ԱՄՆ ղեկավարությանը վերանայել այս դիրքորոշումը և ազատ արձակել ինքնիշխան երկրի օրինական ընտրված նախագահին և նրա կնոջը», – հայտարարել է Ռուսաստանի արտաքին գործերի նախարարությունը։

Նրանք ընդգծել են «ԱՄՆ-ի և Վենեսուելայի միջև առկա ցանկացած խնդիր երկխոսության միջոցով լուծելու համար պայմաններ ստեղծելու» անհրաժեշտությունը։