«Ես գործող անձանց եկեղեցի չէի անվանի, հայ առաքելական սուրբ եկեղեցին հազարամյա կառույց է և այդ անձանց, որոնք հանդես են գալիս որպես ընդդիմադիր արքեպիսկոպոսներ, կենտրոնամետ եպիսկոպոսներ և այլն, ես իրենց եկեղեցի չէի անվանի»:
Այս մասին Առաջին ալիքի եթերում հայտարարեց ԱԺ փոխխոսնակ Ռուբեն Ռուբինյանը պատասխանելով Պետրոս Ղազարյանի դիտարկմանը, թե վերջին տարիներ հայաստանյան իրադարձությունների ընթացքում երբևէ եկեղեցականներն այսքան ներգրավված չեն եղել, որքան հիմա՝ հայ-ադրբեջանական սահմանի սահմանազատման դեմ պայքարում:
Ըստ ԱԺ փոխխոսնակի, դա նորմալ է, քանի որ ՀՀ յուրաքանչյուր քաղաքացի ազատորեն կարող է զբաղվել քաղաքական գործունեությամբ, բայց թող այդ դեպքում եկեղեցականները պատրաստ լինեն դիտարկվել որպես քաղաքական սուբյեկտ և չփորձեն Հայ առաքելական եկեղեցին դարձնել իրենց համար վահան և փորձեն այդ շղարշի ներքո «ապապետական» գործունեություն ծավալել:
Ղազարյանի հարցին, թե ինչու՞ է այդ գործունեությունը ապապետական, Ռուբինյանը պատասխանեց.
«Ընդդիմադիր արքեպիսկոպոսն ասում է հետևյալը՝ «Հայաստանի սահմանն այնտեղ է, որտեղ կարող է կանգնել հայ զինվորը»: Էս հայտարարույթյան հետ 2 խնդիր կա: Առաջինը՝ կոնկրետ այս պահին հայ զինվորը չի կարողացել կանգնել Ջերմուկի տարածքի մի հատվածում և այն այժմ գտվում է ադրբեջանական օկուպացիայի տակ: Այսինքն՝ եթե ադրբեջանցի զինվորը կարողացել է այդտեղ կանգնել, դա ի՞րենց տարածքն է, ՀՀ ինքնիշխան տարածք չի՞: Հաջորդը՝ նույն տրամաբանությամբ եթե հակառակորդը նույնն ասի, կստացվի, շահում է նա, ով ուժե՞ղ է: Սա լավագույն դեպքում չկշռադատված հայտարարություն է, վատագույն դեպքում՝ ապապետական»:
ԱԺ փոխխոսնակը հավելեց նաև, որ այս բոլոր գործողությունների հետևանքով Հայ առաքելական եկղեցու հեղինակությունը կարող է սասանվել:
«Սահմանը և շփման գիծը տարբեր բաներ են»: Այս մասին Առաջին ալիքի եթերում, Պետրոս Ղազարյանի հետ հարցազրույցի ժամանակ նշեց ԱԺ փոխխոսնակ Ռուբեն Ռուբինյանը՝ ասելով, որ սահմանը իրավաբանական հասկացություն է՝ հիմնված քարտեզների և փաստաթղթերի վրա, իսկ շփման գիծը «առաձգական բան է»:
«Ինչպե՞ս է ձևավորվում շփման գիծը: Կողմերը ով որտեղ կարողանում, կանգնում է՝ բախումներով, պատերազմով, վերջում կամ հրադադարի համաձայնություն է լինում կամ չի լինում ու ով որտեղ կանգնում է՝ դա շփման գիծն է: Բայց շփման գիծը չի կարող լինել սահմանի դելիմիտացիայի հիմք, ամեն դեպքում դա մեզ ձեռք չի տալիս բացարձակ:
Այդ տրամաբանությամբ՝ բա ի՞նչ է լինելու Ջերմուկի հատվածում Հայաստանի ինքնիշխան տարածքների հետ, որոնք Ադրբեջանի օկուպացիայի տակ են, ի՞նչ է լինելու Բերքաբերում կամ Սոթքում կամ Ներքին Հանդում»,-նշեց Ռուբինյանը՝ անդրադառնալով Տավուշից մեկնարկած սահմանազատման և սահմանագծման գործընթացին, որը վերջին օրերին ուղեկցվում է ընդդիմության և մի շարք քաղաքացիների բողոքի ակցիաներով:
Ռուբիինյանը մեկ անգամ ևս հստակեցրեց, որ սահմանազատման դեպքում շփման գիծը փոխարինվելու է սահամանային ուղեկալներով, նվազելու է ռազմական էսկալացիայի վտանգը, սահմանի երկու կողմերում հետ է քաշվելու բանակը և հսկողություն են սկսելու սահմանապահները:
Բաց մի թողեք
Դեսպանը հերքել է Իրանի և Հայաստանի միջև ռազմական պայմանագրի մասին տեղեկությունը
Մասնագիտական խումբը որոշել է, որ համապատասխանում է ստանդարտներին. Ավանեսյանը՝ «Զարյա 3» նռնակների կիրառման մասին
Գեղարքունիքում սահմանազատման որևէ գործընթաց դեռ չկա. մարզպետ