Այս մասին Պրահայում կայացած մամուլի ասուլիսում հայտարարել է ԱՄՆ պետքարտուղար Էնթոնի Բլինքենը՝ մեկնաբանելով ԱՄՆ-ի թույլտվությունը՝ մատակարարված զենքն օգտագործել Խարկովի մարզում հարվածների համար։
Նրա խոսքերը մեջբերում է ԱՄՆ Պետդեպարտամենտի YouTube ալիքը։
«Մենք շարունակելու ենք անել այն, ինչ անում էինք: Այսինքն՝ անհրաժեշտության դեպքում հարմարեցնել և շտկումներ մտցնել Ուկրաինայում մեր ռազմավարության մեջ»,- այսպես է արձագանքել նա հարցին, թե արդյոնք Վաշինգտոնն ընդունում է, որ ամերիկյան զենքը կօգտագործվի Խարկովի մարզից դուրս գտնվող քաղաքների և բնակավայրերի դեմ։
Պետքարտուղարը հավելել է, որ ԱՄՆ-ն նախկինում հստակեցրել է իր դիրքորոշումն ամերիկյան զենքի կիրառման հարցում։ Նրա խոսքով, ԱՄՆ-ն պետք է վստահ լինի, որ գործում է մտածված և արդյունավետ:
Պենտագոնն ավելի վաղ թույլատրել է Ուկրաինային օգտագործել մատակարարված զենքը՝ հակամարտկոցային պայքարի ժամանակ հարվածելու Ռուսաստանի Դաշնությանը։ Նույն հայտարարությունն արվել է Գերմանիայում։ Սակայն հակամարտության այս սրացումը քննադատության է ենթարկվում արևմտյան այլ երկրներում։ Ամերիկացի պաշտոնյաները նշել են, որ ներկայումս քննարկվում է Ուկրաինային մատակարարվող զենքը միայն Խարկովի մարզում օգտագործելու թույլտվություն տալու գաղափարը։
Բաց մի թողեք
Հունգարիայի ընդդիմության առաջնորդ Պետեր Մագյարը ոստիկանություն է ներկայացրել «մեղրի թակարդի սեքս-տեսանյութի» սկանդալի վերաբերյալ հաղորդումը
ՌԴ դատարանը ադրբեջանական միավորումը ճանաչել է ծայրահեղական կազմակերպություն
Չինաստանը կարող է մեկ հեռախոսազանգով դադարեցնել պատերազմը Ուկրաինայում․ ՆԱՏՕ-ում ԱՄՆ ներկայացուցիչ