Պետությանը ավելի քան 7 միլիարդ դրամի վնաս պատճառած «Սպայկա» ընկերության տնօրեն Դավիթ Ղազարյանի նկատմամբ քրեական հետապնդումը դադարեցվել է, «Հրապարակ»-ին հայտնեցին Գլխավոր դատախազությունից՝ նշելով, որ Դավիթ Ղազարյանը հատուցել է պետությանը պատճառված վնասը, սակայն վնասի վերաբերյալ քրեական վարույթը դեռեւս գտնվում է նախաքննության փուլում։
Հիշեցնենք, որ 2019 թ. ապրիլի 4-ին Դավիթ Ղազարյանին մեղադրանք էր առաջադրվել ՀՀ քրեական օրենսգրքի 205-րդ հոդվածի 2-րդ մասով (առանձնապես խոշոր չափերով hարկ, տուրք կամ այլ պարտադիր վճար չկատարելը): Ըստ ՊԵԿ հաղորդագրության՝ «Սպայկա» ընկերությունը պետական բյուջե չի վճարել ընկերության կողմից իրականացված ձեռնարկատիրական գործունեության արդյունքում առաջացած 7.036.666.312 ՀՀ դրամ մաքսատուրք և հարկ: ՊԵԿ քննչական վարչության քննիչի կողմից ապրիլի 4-ին միջնորդություն էր ներկայացվել Երևան քաղաքի ընդհանուր իրավասության առաջին ատյանի դատարան` Դավիթ Վենգերի Ղազարյանի նկատմամբ կալանավորումը որպես խափանման միջոց ընտրելու մասին:
Ապրիլի 8-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը «Սպայկա» ՍՊԸ-ի հիմնադիր-տնօրեն Դավիթ Ղազարյանի նկատմամբ կալանավորումը որպես խափանման միջոց ընտրելու որոշում էր կայացրել: Մայիսի 4-ին գլխավոր դատախազության որոշմամբ Դավիթ Ղազարյանը ազատ է արձակվել։
Փաստորեն, 5 տարի անց վնասն ամբողջությամբ փակվել է: Սակայն այս ընթացքում «Սպայկան» հիմնավորապես տուժել է եւ նրա բիզնեսին այս վարույթով մեծ վնաս է հասցվել: Իսկ դրա պատճառն այն էր, որ ընկերության մեջ փայաբաժին ուներ նաեւ Միքայել Մինասյանը` միջնորդավորված ձեւով: Նիկոլ Փաշինյանը անձնական թշնամանք ունի նախկինների եւ հատկապես որոշ անձանց նկատմամբ եւ իրավապահ համակարգն էլ աշխատում է այդ թշնամանքի թելադրանքով:
Բաց մի թողեք
Բիթքոյնի գինը երկրորդ անգամ հասել է նոր պատմական առավելագույնին
Նոյեմբերի 21-ի ներկայացված տարադրամի փոխարժեքներն են. Դոլարը թանկացել է, ռուբլին՝ էժանացել
Որքան գումար է ծախսվելու Երևանում ամանորյա տոնական ձևավորման համար. Գրիգորյան