ՌԴ նախագահ Վլադիմիր Պուտինն ու ԱՄՆ ընտրված նախագահ Դոնալդ Թրամփը «պատրաստակամություն են հայտնել շփվել հանդիպման շրջանակներում, սակայն այս ուղղությամբ դեռ հստակություն չկա»:
Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Նրա խոսքով՝ «երկու քաղաքական առաջնորդների հանդիպման համար ոչ մի նախապայման հարկավոր չէ»:
«Ռուսաստանի նախագահ Վլադիմիր Պուտինը պատրաստ է առանց որևէ նախապայմանի հանդիպել ԱՄՆ նոր առաջնորդ Դոնալդ Թրամփի հետ։ Նման շփումների կազմակերպումը պահանջում է Վաշինգտոնի ցանկությունը և քաղաքական կամքը»,- հայտարարել է ՌԴ նախագահի մամուլի քարտուղարը՝ հավելելով, որ Պուտինը բազմիցս հայտարարել է, որ պատրաստ է միջազգային առաջնորդների, այդ թվում՝ Դոնալդ Թրամփի հետ շփումներին։
Հիշեցնենք՝ ԱՄՆ նորընտիր նախագահ Դոնալդ Թրամփը հայտարարել էր ՌԴ նախագահ Վլադիմիր Պուտինի հետ հանդիպման նախապատրաստության մասին։
Բաց մի թողեք
«Կխեղդվեք ձեր թափած արյան մեջ. Թույլ չենք տա պղծել Արևելյան Երուսաղեմը». Էրդողան
Դատվածություն ունեցող Մարտիրոսյանը ՌԴ-ում պատգամավոր է դարձել․ Լուսանկար
Թրամփը տիկնոջ հետ պետական այցով Մեծ Բրիտանիայում է. ինչպես են դիմավորել նրանց, և ովքեր են դժգոհ