Հունվարի 10-ին, ավտովթար է տեղի ունեցել Երևանում։ Ժամը 20:50-ի սահմաններում Բաղյան փողոցում բախվել են «BMW X5», «Nissan Tiida» և 2 «Opel» մակնիշի ավտոմեքենաները։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով ըստ նախնական տեղեկությունների բարեբախտաբար տուժածներ չկան։
Օպերատիվորեն դեպքի վայր են ժամանել ՀՀ Ներքին գործերի նախարարության Փրկարար ծառայության Երևանի թիվ 11 հրշեջ-փրկարարական ջոկատից 1 մարտական հաշվարկ։
Ժամանել են նաև Երևանի 103 շտապօգնության բժիշկների հերթապահ խումբը, ովքեր տեղում օգնություն են ցուցաբերել «Nissan»-ի վարորդին, սակայն թե՛ նա, թե՛ մյուս վարորդները հրաժարվել են հիվանդանոց տեղափոխվել։
Օպերատիվորեն ժամանել են ՀՀ ՆԳՆ Ոստիկանության Պարեկային ծառայության Երևան քաղաքի գնդի 2-րդ գումարտակի 1-ին վաշտի պարեկները՝ գումարտակի հրամանատար Արամ Դադոյանի, գումարտակի հրամանատարի տեղակալ Կարեն Ավետիսյանի գլխավորությամբ։
Վթարի փաստով ՊԾ Երևան քաղաքի գնդի 2-րդ գումարտակում փաստաթղթեր են ձևակերպվում, որտեղ էլ պարզում են վարորդների ինքնությունը։
Գ Շամշյանի տեղեկություններով՝ վարորդները ենթարկվել են սթափության փորձաքննության, եղել են սթափ։
Իսկ վթարի հետևանքով երթևեկությունը նշված հատվածում ժամանակավորապես դադարեցվել է, քանի որ մեքենաները հայտնել էին ճանապարհի մեջտեղում։
Բաց մի թողեք
Ողբերգական դեպք. մահացածը Ուկրաինայում Հայաստանի նախկին դեսպանի ազգականն է
Հայաստանում 2024-ին նախորդած տարվա համեմատ ավելի շատ ամուսնալուծվել են, քան ամուսնացել․ նոր տվյալներ
Խոպանչիները մտահոգ են, ՌԴ-ում ուզում են սկսել հարկել ֆինանսական փոխանցումները